Psalm 119:124 - De Beebaa Dabu

¹²⁴ Koe gi hai hegau ange gi doo dangada hai hegau bei dagodo o doo abodonu, gai agoagona mai au i au hainga gu hagasauaa!

Psalm 119:124 Referans Kwoze

Psalm 119:12

Tagi Maolunga, au e hagadegi goe; agoago ina mai au i au hainga gu hagasauaa!

Daniel 9:18

Dogu Maadua, hagahuuhulia mai luoo dalinga hagalaangona; gai huli mai luoo mada diiloo de ngadi dagodo o de aduhale e hagaingoo laa i doo ingoo. Gai e deai donu omaadeu heohi e maua ai i de dangidangi adu gi de goe i dahi mee, aagai go hiidinga donu huu o doo degi laumalie.

Psalm 130:7

Israel, goodou tali hagalodolodo ange gi Tagi Maolunga! Go hiidinga Tagi Maolunga e abodonu mmao, gai ia e honu dana hagaola.

Psalm 119:132

Huli mai ma gi abodonu mai gi de au, bei doo abodonu ange laa gi gilaadeu e aaloha i doo ingoo.

Psalm 119:26

Au ne tala adu ogu dagodo, gai koe ne basa mai gi agu dalodalo; agoagona mai au i au hainga gu hagasauaa.

Psalm 103:10

Ia e dee hagaduasala gidaadeu gi bei odaadeu haisala, aabe hagao mai gidaadeu gi bei de lagolago odaadeu baubau.

Psalm 69:13

Aagai au e dalodalo adu gi de goe, Tagi Maolunga, i de masavaa o doo abodonu; basa mai gi dagu dalodalo i hiidinga doo abodonu laumalie, ma doo hai hegau i de mee abodonu.

Psalm 51:1

De Maadua, degi mai gi de au gi bei dagodo o doo abodonu; sooloa gi deai ogu haisala, bei de laumalie o doo lodo aloha.

Psalm 69:16

Tagi Maolunga, basa mai gi dagu dalodalo i hiidinga doo lodo aloha; anga mai gi de au, i hiidinga doo abodonu e laumalie mmao.

Luke 18:13

Aagai taane e hagabudulia laa taagisese ne duu i dahi mommee mmao, gai ia tee galo age donu hogi gi de langi, gai ia ne hagailiili ono hadahada, ga hai ange, ‘De Maadua, degi mai gi de au, au se dangada e haisala!’

Psalm 119:41

Tagi Maolunga, abodonu mai gi de au, gai hagaola ina ngau bei dagodo o au muna,

Psalm 79:8

Koe gi dee manadua omaadeu baubau i denga masavaa gu hulo, gi hai baasi mai gi gimaadeu; koe gi hagamoolau gi lodo aloha mai gi gimaadeu, i hiidinga gimaadeu gu duasala mmao.

Nehemiah 9:20

Gai koe ne gaavange doo Hagasaalunga danuaa ga agoago ange ai gilaadeu, koe tee kave gee au manna e haangai ange ai laa gilaadeu, ma de gaavange gi gilaadeu alaadeu vai e unu ai.

Psalm 31:20

Koe e hagammuni gilaadeu i mada luoo mada, mai i hagatau baubau a dangada; koe e buibui gilaadeu i doo mommee mai i dangada e hagabaubau ina gilaadeu.

Psalm 119:88

Hagaola ina dogu mouli i doo abodonu, gai au e daohi au muna gu tala.