Psalm 119:118 - De Beebaa Dabu

¹¹⁸ Koe e kino i gilaadeu alodahi e hagahaisala i au muna gu hagasauaa; gai alaadeu hagatau hadu muna e deai olaadeu haigamaiana.

Psalm 119:118 Referans Kwoze

Psalm 119:10

Au e ssala goe i ogu lodo alodahi; koe gi dee dugua ngau gi hano gee i au hainga!

Psalm 119:21

Koe e hagasee de gau hagamaolunga, go gilaadeu gu maalaia, gilaadeu ni dangada gu hulo gee i au hainga.

Ephesians 5:6

Goodou gi dee dugua ange dahi dangada gi hagasengalia goodou i hanu ngadi muna; go hiidinga aanei mee e haia ga humai de bole o de Maadua gi gilaadeu e dee hagallongo ange gi ana muna.

Ephesians 4:22

Gai goodou hagauia ma gi dilia gee oodou mouli duai, go tangada duai ne hagasengalia laa i denga lodo donu hakino gee;

Psalm 119:29

Gaavee gee de hadu muna mai i ogu daha, gai agoagona mai au i au hainga i hiidinga doo abodonu.

Revelation 18:23

Gai gu deai hogi se maalama o de laama i kilaa. Gai gu dee langona hogi leo o taane ma de hine gu dai hagahai bodu. Oo dangada hagao mee ni daane dau i henua i lalo, gai huaahenua alodahi gu daahangadia i au huuhuaa mee.

1 John 2:21

Au tee sisi adu mee nei i hiidinga goodou e dee iloo de muna abodonu, aagai go hiidinga goodou e iloo donu de muna abodonu, gai e deai donu se muna hhadu e daamada mai i de muna abodonu.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Malachi 4:3

Gai goodou e dagadagahi naa gi lalo de gau baubau. Gilaadeu e bei naa denga lehu i lalo oodou vae, i de laangi aagu e hai ai agu hegau, go Tagi o denga hagabuulinga hebagi e hagadaba.

Isaiah 63:3

“Go au donu huu ne dagadagahi denga grape i de mommee kumi uvaini; gai teai donu se dangada mai i de huaadangada madali au. Au ne dagadagahi gilaadeu i dogu lili ma de hagaduasala gilaadeu gi lalo i dogu bole; gai olaadeu dodo ne ssii age gi ogu malo, gai ogu malo alodahi gu baalau hogi i dodo.

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

Psalm 95:10

Au ne lili i e madahaa ngadau i de atangada laa; au ne hagadaba, “Gilaadeu se huaadangada e daahuli gee i olaadeu lodo, gilaadeu e dee iloo ogu dagodo.”

Psalm 78:57

Gilaadeu ne aahe dua ma tee hai hegau i de mee abodonu bei olaadeu dubuna madagidagi; gai e deai se tali ange gi gilaadeu bei de mee hholu gu hadi laa.

Revelation 14:20

Gai mee nei ne dagadagahi i de mommee kumi uvaini i tua de aduhale, gai denga dodo ne ssali mai i de mommee kumi uvaini, ga hagahonu age ga dae age gi taula i de ngudu o de hoosa, gai de looloa o de mommee iai dodo laa se 180 maele.

Proverbs 12:20

De daahanga dangada e dagodo i lodo dangada e hagatau ina de hai de baubau, aagai gilaadeu e haia laa gi sula de nnoho paba e malangilangi.