Psalm 119:113 - De Beebaa Dabu

¹¹³ Au e kino i gilaadeu e llodo lagolago, aagai au e lodo mmao i dau hainga.

Psalm 119:113 Referans Kwoze

James 1:8

go hiidinga tangada laa e lua lodo ma tee maua i de duu gi makaga i dahi mee daudahi.

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

2 Corinthians 10:5

Gimaadeu e daa denga maanadu hagamaolunga alodahi e hai baasi ange laa gi de iloo de Maadua, ma de noonooa denga maanadu alodahi ga hai gi hagallongo ange gi Klisdo,

Mark 7:21

Go hiidinga mee e ssao mai i lodo o tangada, go denga maanadu baubau, ma de hai be se manu, ma de gaiaa, ma de daa tangada gi magau, ma de gaiaa de bodu o tangada,

Psalm 119:103

Au muna e maimai i dagu mami ange, gai e maimai ange i denga hooni!

Psalm 119:97

Au e lodo mmao i au hainga! Au e hagamaumau mee nei i taiao ga boo ai.

Psalm 94:11

Tagi Maolunga e iloo maanadu a tangada; ia e iloo bolo gilaadeu e bei dagodo o de madangi o de manava.

Psalm 119:47

gai au e malangilangi i au hainga, i hiidinga au e lodo ai mmao.