Psalm 118:6 - De Beebaa Dabu

⁶ Tagi Maolunga e hagabuni mai donu gi de au; au e dee madagu donu. Ni aha naa donu a dahi dangada e maua i de hai mai gi de au?

Psalm 118:6 Referans Kwoze

Hebrews 13:6

Deenei ai, gidaadeu gi lo taane i de hagataba, “Go Tagi Maolunga e balea mai au; au e dee madagu donu. Ni aha naa donu a dangada e maua i de hai mai gi de au?”

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

Psalm 56:4

Au e tuhi de Maadua i hiidinga ana muna, au e hagadonu de Maadua; au e dee madagu donu. Gai ni aha naa a dahi dangada e maua i de hai mai gi de au?

Psalm 56:11

au e hagadonusia de Maadua; au e dee madagu donu. Gai se aha naa donu a dahi dangada e maua i de hai mai gi de au?

Psalm 56:9

Ogu hagadaumee e saavini naa ga hulo gee i de masavaa aagu e hagahi ai goe gi balea mai au. Deenei dagu hai e iloo ai bolo de Maadua e bale mai au.

Jeremiah 20:11

Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Psalm 23:4

Gai ga seesee naa donu au i lo te geelonga gohu boo dangodango, gai au e dee madagu donu i dahi mee baubau daudahi, i hiidinga koe e noho madali au; dau laagau ma doo dogo e hagaaneane ogu lodo.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 146:5

E manuuia tangada go de Maadua o Jacob dono bale, gai dana tali hagalodolodo go Tagi Maolunga, dono Maadua,

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

1 Samuel 17:11

De masavaa a Saul ma denga daane Israel alodahi ne langona ai muna a taane Philistia laa, gai gilaadeu gu manavasaa ma de maatagu.

1 Samuel 17:37

Gai David ne hai ange, “Tagi Maolunga ne hagaola ina mai au i de laiono ma de bea laa, e hagaola naa hogi au mai i taane Philistia nei.” Gai a Saul ga hai ange gi David, “Hannoo, gai Tagi Maolunga gi madali goe!”

Psalm 56:5

Mai i taiao ga boo ai gai gilaadeu e hagadee heohi agu muna; gilaadeu e hagatau delaadeu hai e hagammae ai au.

Psalm 56:10

Au e tuhi de Maadua i hiidinga o ana muna, au e tuhi Tagi Maolunga i hiidinga o ana muna;

Psalm 56:12

De Maadua, au e hagasula naa donu agu mee gu hagatoo donu adu ai gi de goe; au e gaavadu naa gi de goe ssigidaumaha e hagaahe adu ai de abodonu gi de goe.

Psalm 94:16

Goai e balea mai au e hebagi ange gi de gau baubau? Goai e hidi age e balea mai au e hai baasi ange ai gi gilaadeu e haia de baubau?

Psalm 112:8

Ono lodo e baba, ia e dee madagu donu, ga dae ai gi dana gidee tee kii o ono hagadaumee.