Psalm 118:27 - De Beebaa Dabu

²⁷ Iahweh go de Maadua, gai ia ne hai dono maalama gi hagamaalama ina gimaadeu. Noodia ange de manu o ssigidaumaha i daula gi denga hanga o de mommee o ssigidaumaha.

Psalm 118:27 Referans Kwoze

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Psalm 18:28

Tagi Maolunga, go koe e haula dagu laama i masavaa alodahi; dogu Maadua e hai gi maalama de gohu i ogu daha.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Isaiah 9:2

Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.

Esther 8:16

Gai de gau Ssuu gu ilaage ma de lodo danuaa, ma de malangilangi aama de hagadubu i daho dangada.

Psalm 37:6

Ia e hai naa gi sula mai doo heohi bei de maalama o taiao, gai doo heohi gi bei de mmahi o de laa i de madohi lua o de laangi.

1 Kings 18:39

Gai ga gidee huu e dangada mee laa, gai gilaadeu ga ino gi lalo ga hagapaa olaadeu mada gi honga de gelegele, ga hagataba, “Iahweh go de Maadua abodonu! Iahweh go de Maadua abodonu!”

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

1 Kings 18:21

Gai Elijah ne humai ga duu i mada i mua o dangada alodahi, ga hai ange, “Dee hee maa taulooloa doodou lodo lagolago? Noo Iahweh go de Maadua, gai goodou daudali ange i de ia; aagai noo Baal go de Maadua, gai goodou daudali ange i de ia.” Gai dangada gu dee mmuu.

Exodus 38:2

Gai ia ne hai denga hanga i honga denga dege e haa e buni ma de angaanga o de mommee o ssigidaumaha, gai ia ga haoli de mommee o ssigidaumaha i bronze.

Exodus 27:2

Gai koe ga hai denga hanga i honga ono dege e haa; gai haia ono hanga gi buni ma de angaanga o de mommee o ssigidaumaha, gai koe ga haolia de mommee o ssigidaumaha i bronze.

Hebrews 13:15

Deenei ai, gidaadeu ga duudagi taadeu gaavange gi de Maadua ssigidaumaha o de tuhi, i de ingoo o Iesu i masavaa alodahi, deenei go taadeu tala hagadonu dono ingoo.

1 Chronicles 29:21

Gai gilaadeu ne hai denga sigidaumaha ange gi Tagi Maolunga, ma denga sigidaumaha dudu ange gi de ia i de laangi i ono dua: e mano kaau daane, e mano ssiibi daane, e mano ssiibi gauligi, madali denga mee unu, aama denga hagadaagangaa sigidaumaha ange laa i hiidinga o de gau Israel alodahi.

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.