Psalm 118:15 - De Beebaa Dabu

¹⁵ Hagalaangona adu de hevaalogi o olaadeu e heohi i de malangilangi ma de kii i lodo olaadeu hale malo: “De lima madau o Tagi Maolunga gu hagaago mai ono mmahi!

Psalm 118:15 Referans Kwoze

Psalm 89:13

Koe e mmahi mmao; gai doo lima madau gu haalo i doo sauaa.

Psalm 60:12

De bale a de Maadua e hagammahi gimaadeu, gai go ia e hagadee kii ina omaadeu hagadaumee.

Exodus 15:6

Tagi Maolunga, doo lima madau e mmahi mmao; Tagi Maolunga, doo lima madau gu hagabalaginagina de hagadaumee.

Luke 1:51

Ia gu hagaago mai ssauaa mmahi o dono lima, ia gu hagamavaevae saele gilaadeu e maanadu hagamaolunga i olaadeu lodo.

Psalm 98:1

Daahili ange gi Tagi Maolunga i taahili hoou, i hiidinga o ana hegau hagalele mouli gu hai; dono lima madau ma dono lima dabu gu hai ma gu kii ia.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Acts 16:34

Ia ne kave hogi gilaau gi dono hale, ga haangai gilaau. Aagai ia ma dangada alodahi i dono hale gu malangilangi, go hiidinga gilaadeu gu hagadonusia de Maadua.

Isaiah 65:13

Deenei ai, e hagadaba de Ia Aamua go Iahweh, “Tilo, ogu dangada hai hegau e gaimee naa ga boobosu, aagai goodou e hiikai; ogu dangada hai hegau e unu naa ga boobosu, aagai goodou e hieunu, ogu dangada hai hegau e malangilangi naa, aagai goodou e hagadookaa ina naa.

Psalm 119:111

Au muna go dogu boolonga donu ga hano ai, gai e hagamalangilangi ai ogu lodo.

Psalm 68:3

Aagai gilaadeu e heohi e llodo danuaa naa, ma de malangilangi i mada luu mada o de Maadua; gilaadeu gi malangilangi mmao ma de lodo danuaa.

Psalm 44:3

Gai e dee go alaadeu gadilaasa alaadeu ne kave ai de henua, aabe go olaadeu mahi ne haia ga kii gilaadeu; aagai go doo lima madau, ma doo lima mmahi, aama de maalama o luoo mada, go hiidinga koe ne malangilangi i gilaadeu.

Psalm 32:11

Goodou alodahi e heohi, lodo danuaa ma de malangilangi i Tagi Maolunga! Goodou alodahi e heohi oodou lodo, hevaalogi i de malangilangi!

Psalm 45:4

Savini i honga de hoosa i de mahamaha gai koe gi kii, i de muna abodonu, ma de daudonu, aama de mee heohi; gai koe gi hagaagona mai hegau hagalele mouli a doo lima madau e hai.

Deuteronomy 12:12

Gai goodou ga malangilangi ai i mada luu mada o Tagi Maolunga doodou Maadua, madali oodou dama daane ma oodou damaa hine, ma oodou daane ma haahine hai hegau, ma dangada de aamuli o Levi i oodou aduhale, teai laa se mommee ne vvae ange gi gilaadeu madali goodou.

Psalm 119:54

Au hainga gu hagasauaa go agu daahili i dogu noho gaainga i henua i lalo nei.

Psalm 5:12

Tagi Maolunga, koe e hagamanuuia tangada e heohi, ma de buibui ia i doo abodonu bei de mee hungihungi.

Psalm 111:2

Hegau a Tagi Maolunga e maolunga mmao, gai dangada e malangilangi ai e hagamaumau mee nei.