Psalm 113:3 - De Beebaa Dabu

³ Gai hagadegi ina de ingoo o Tagi Maolunga mai i de sobo age o de laa ga dae ai gi de danu!

Psalm 113:3 Referans Kwoze

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Psalm 18:3

Au e hagahi Tagi Maolunga, go de ia e heohi dagu tuhi, gai au gu ola mai i ogu hagadaumee.

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Psalm 86:9

Denga huaahenua alodahi aau ne hai e loomai naa ga ino gi lalo ga daumaha adu gi de goe, dogu Ia Aamua, aama de hagamahamaha doo ingoo.

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Psalm 48:10

De Maadua, doo tuhi e dae gi henua i lalo alodahi; bei dagodo oo ingoo: gai doo lima madau e honu i de heohi.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Psalm 50:1

De Maadua Mmahi Mmao laa, go Iahweh e basa ma de hagahi henua i lalo mai i de sobo age o de laa ga dae ai gi de danu.

Isaiah 24:16

Gimaadeu gu langona de leo o taahili mai i luu bido o henua i lalo: “Hagamahamaha ina de Ia Heohi laa!” Aagai au ne hagadaba, “Au gu hagadaga mai! Au gu hagadaga mai! Gu vakaa loo au! De gau hadu muna e duudagi de hagabaubau! Gilaadeu e hagadaga ange donu de hagabaubau.”