Psalm 111:7 - De Beebaa Dabu

⁷ Ia e hai hegau i de muna abodonu ma de heohi; ana muna alodahi ni muna abodonu,

Psalm 111:7 Referans Kwoze

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

Psalm 89:14

Tagelo o doo nohoanga hodooligi go de heohi ma de hagamodu muna heohi; gai koe e hai hegau i de abodonu.

Psalm 119:160

Au muna alodahi ni muna abodonu; au hagamodu heohi alodahi e daakodo ga hano ai.

Psalm 119:151

Aagai koe e dee mmao donu, Tagi Maolunga, gai au hainga alodahi ni muna abodonu.

Psalm 105:8

Ia e manadua dana hagatoo donu hagaheloongoi ga hano ai, ma ana muna gu tala, ange gi e mano atangada,

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Psalm 119:86

Au hainga alodahi ni muna abodonu; balea mai au, i hiidinga gilaadeu e vaivai hai au gai e deai donu hiidinga.

Psalm 93:5

Tagi Maolunga, au hainga e dee sui donu; gai doo hale e dabu ga hano ai.

Psalm 85:10

De aloha ma de hai hegau i de muna abodonu gu hedae ange; gai de heohi ma de baba gu hagadau oso.

2 Timothy 2:13

noo gidaadeu e dee hai hegau i de mee abodonu, gai ia e dee tuu donu dono hai hegau i de mee abodonu. Go hiidinga ia e dee maua i de hagahadu muna donu huu ia.

Psalm 19:8

Mee a Tagi Maolunga e hagasauaa e heohi, gai e hagamalangilangi lodo o tangada. Muna a Tagi Maolunga e gilimalali, gai e hagamaalama luu mada o tangada.

Psalm 119:89

Tagi Maolunga, au muna e dee ngado mai donu, gai e dee sui naa donu i de langi.

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

Daniel 9:14

Deenei ai, Tagi Maolunga ne dagitilo e gaamai de hai ngadaa gi gidaadeu; go hiidinga Tagi Maolunga taadeu Maadua e heohi donu ana hegau alodahi gu hai; aagai gidaadeu tigi hagallongo ange gi de ia.