Psalm 111:4 - De Beebaa Dabu

⁴ Ia gu hai gi dee ngalo ana hegau hagalele mouli; Tagi Maolunga e degi ma de lodo aloha.

Psalm 111:4 Referans Kwoze

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Psalm 103:8

Tagi Maolunga e lodo aloha ma de degi, ia e dee moolau dono lili, gai e abodonu mmao.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Psalm 145:8

Tagi Maolunga e degi ma de lodo aloha, gai e dee moolau de lili gai e honu i de abodonu.

Psalm 112:4

De maalama e hagamaalama gilaadeu e heohi i de masavaa e gohu ai, go hiidinga gilaadeu e abodonu ma de lodo aaloha aama de heohi.

Psalm 78:38

Aagai ia ne lodo aloha, ga degi ange gi olaadeu baubau, tee daa gilaadeu gi maakau. Ia tee modu donu de golomagi ono lodo i gilaadeu, tee hagahai hegau dono bole.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

2 Chronicles 30:9

Noo goodou e aahe mai gi Tagi Maolunga, gai dangada ne gaavee oodou dangada ma oodou dama e lodo aaloha ange naa gi gilaadeu, ga hagaahe mai gilaadeu gi de henua nei, go hiidinga Tagi Maolunga doodou Maadua e degi ma de lodo aloha. Ia e dee huli gee naa donu i goodou, noo goodou e aahe mai gi de ia.”