Psalm 111:3 - De Beebaa Dabu

³ Ana hegau e honu i de mahamaha ma de hagadubu, gai dono heohi e dagodo ga hano ai.

Psalm 111:3 Referans Kwoze

Ephesians 3:10

gai ia gu hagaago mai ai iainei i daho de nohoanga dabu, ange gi denga dagi, ma gilaadeu iai ssauaa i lo te langi denga hagadaagangaa heiangi o de Maadua.

Psalm 119:142

Doo heohi e dee ngado mai donu, gai dau hainga ni muna abodonu.

Isaiah 51:8

Go hiidinga de lengisi e gai naa gilaadeu bei dahi malo, gai de ilo e gai naa gilaadeu bei malo e hai laa i huluhulu o denga manu. Aagai dogu heohi e dee ngado mai donu, gai dagu hagaola e dagodo i denga atangada alodahi.”

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Psalm 19:1

De langi e hagaago mai de mahamaha o de Maadua; mee i lo te langi e tala dagodo ana hegau ne hai.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Psalm 119:144

Au muna e heohi ga hano ai; haia gi donu ange au gi mee nei, gi mouli ai au.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Psalm 112:3

Dono hale iai de lava ma goloa lagolago; gai dono heohi e dagodo ga hano ai.