Psalm 111:2 - De Beebaa Dabu

² Hegau a Tagi Maolunga e maolunga mmao, gai dangada e malangilangi ai e hagamaumau mee nei.

Psalm 111:2 Referans Kwoze

Psalm 104:24

Tagi Maolunga, e lagolago mmao au hegau ne hai! Koe ne hai mee alodahi i de heiangi; henua i lalo gu honu i au mee ne hai.

Proverbs 24:14

Koe gi iloo hogi bolo de heiangi e bei de mee maimai ange gi doo hagasaalunga; noo koe gu maua de heiangi, gai e dahi au tali ange gi masavaa e humai, gai dau tali e dee tuu naa donu.

Psalm 143:5

Au e manadua denga laangi gu hulo; au e hagamaumau mee alodahi aau gu hai, ma de hagasaele dagodo o au hegau.

Psalm 139:14

Au e hagaahe adu de abodonu gi de goe i dau hai ne hai ai au; go hiidinga e hagamaatagu ma de hagalele mouli mmao, au hegau e hagalele mouli mmao, gai au e iloo donu de mee nei.

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Ephesians 1:19

aama dono sauaa laumalie e hai hegau laa i odaadeu daha gu hagadonusia laa. Gai deenei donu hogi ssauaa

Daniel 4:3

Ana hagailonga e maolunga mmao, gai ana hegau hagalele mouli e mmahi mmao! Dono nohoanga hodooligi e dee ngado mai donu, gai dono sauaa e dagi ai e dagodo naa donu huu i denga atangada alodahi.

Ecclesiastes 3:11

Ia gu hai mee alodahi gi mahamaha i dono masavaa. Ia gu hai gi iloo e dangada de masavaa e dee ngado mai, aagai gilaadeu tigi maua i de tonu ange gi mee a de Maadua gu hai mai i taamada ga dae ai gi de hagaodi.

Proverbs 17:16

Ni haigamaiana aha de dahi sseene a tangada lodo senga e hagao ai de heiangi, gai e deai donu se heiangi i ono daha?

Romans 8:6

De maanadu lodo o de angaanga e dagi ange gi de magau, aagai de maanadu lodo o de Hagasaalunga e dagi ange gi de mouli ma de baba.

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

De Beebaa go Job 37:7

Ia e daohi hegau a dangada alodahi, gi iloo ai e dangada alodahi dagodo o ana hegau.

De Beebaa go Job 9:10

Ia e hai mee hagalele mouli e dee maua laa gi tonu ange aagena, ma denga sauaa e dee maua laa i de dau.

De Beebaa go Job 5:9

Ia e hai denga mee hagalele mouli e dee maua laa gi tonu ange aagena, gai taelodo o ana sauaa e dee maua donu i de dau.

Isaiah 40:12

Goai gu hagabaulia denga vai i lo tono lima, aabe go de maaga de lahalaha o lo te langi? Gai goai gu daohia denga gelegele o henua i lalo i lo te gede, aabe go de hagahidi denga mounga i denga mee hagahidi, ma de hagahidi denga duuduu?

Psalm 107:43

Tangada heiangi gi daohia mee nei; gai ia gi manadua de abodonu o Tagi Maolunga.

Psalm 104:34

Gai agu dalodalo gi hagamalangilangi ina ia; gai au e malangilangi i Tagi Maolunga.

De Beebaa go Job 37:14

Job, hagalaangona de mee nei; gai noho hagasaelea hegau hagalele mouli a de Maadua.

Psalm 118:15

Hagalaangona adu de hevaalogi o olaadeu e heohi i de malangilangi ma de kii i lodo olaadeu hale malo: “De lima madau o Tagi Maolunga gu hagaago mai ono mmahi!