Psalm 110:3 - De Beebaa Dabu

³ Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

Psalm 110:3 Referans Kwoze

Judges 5:2

“Denga dagi ne dagi de gau Israel, gai dangada ne malangilangi i de hulo gi de hebagi. Duuhia Tagi Maolunga!

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

1 Thessalonians 4:7

Gai de Maadua tee hagahi gidaadeu gi haia mee hakino gee, gai ia ne hagahi gidaadeu gi hai hegau i tagodo e dabu.

Ephesians 1:4

Gai ia ne hili gidaadeu i mua de hai o henua i lodo o Klisdo, gai ia ga hai ai gidaadeu gi dabu ma tee haisala i mada luoono mada i de aloha.

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.

2 Corinthians 13:4

Gai ia ne daudau i de laagau lui i de baageaa, aagai ne mouli age i ssauaa mmahi o de Maadua. Gimaadeu e baageaa hogi bei ono dagodo, aagai e hai hegau adu gi goodou i hiidinga gimaadeu gu mouli age madali ia i ssauaa mmahi o de Maadua.

2 Corinthians 8:16

Gai de abodonu ange gi de Maadua, i dana gaavange gi lodo o Titus de lodo mmao e bale adu goodou bei ogu dagodo.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

Acts 21:20

Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga.

Psalm 96:9

Daumaha ange gi Tagi Maolunga i malo dabu. Henua i lalo alodahi, goodou gi bolebole i ono mada i mua.

Philippians 2:13

i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

1 Chronicles 16:29

Goodou daalaa dagodo de mahamaha o de ingoo o Tagi Maolunga. Goodou gaamai dahi sigidaumaha loomai ai gi mada luoono mada. Daumaha ange gi Tagi Maolunga i de mahamaha o dono dabu.

Acts 19:20

Deelaa ai, muna a Tagi Maolunga gu ssula danuaa ma de hagadagadaga age i kilaa.

Acts 4:4

Aagai gu soa donu dangada ne langona laa alaau muna gu hagadonusia, agu made se limamano taelodo o dangada alodahi.

Nehemiah 11:2

Gai dangada ne tuhi gilaadeu alodahi ne malangilangi laa i de nnoho i Jerusalem.

Ezekiel 43:12

Deenei de hainga o de temple: de mommee i luu baasi alodahi i honga de mounga laa e dabu mmao. Deenei de hainga o de temple.

Judges 5:9

Au gu maanadu dagi o denga daane hebagi o Israel, mai i magavaa o dangada ne malangilangi laa i de hulo i de hebagi. Duuhia Tagi Maolunga!

Psalm 29:2

Gaavange de tuhi gi de ingoo mahamaha o Tagi Maolunga, gai daumaha ange gi Tagi Maolunga i malo dabu.

Micah 5:6

gi dagina de henua go Assyria i de gadilaasa, ma de henua o Nimrod i de gadilaasa. Ia e hagaola naa gidaadeu mai i de gau Assyria i dono masavaa e gage mai ai gi honga taadeu henua ma de humai gi lodo odaadeu goinga.