Psalm 109:12 - De Beebaa Dabu

¹² Gai gi deai e abodonu ange gi de ia, aabe gi aloha ange gi ana dama i dua dono magau!

Psalm 109:12 Referans Kwoze

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

Luke 6:38

Goodou ngadi gaavange mee, gi ngadi gaavadu ai hogi gi goodou, i de hagabaaunga danuaa, gu luuluu laa ma gu kadi aama de honu malingilingi. Go hiidinga de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.”

Matthew 27:25

Gai dangada alodahi ne hai ange, “Ono dodo gi dau mai gi gimaadeu ma amaadeu dama.”

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Isaiah 13:18

Alaadeu mee hholu e daa naa ga maakau denga dama daane, gilaadeu e dee abodonu ange naa gi denga gaagaa, aabe e llodo aaloha ange gi denga gauligi.

Isaiah 9:17

Deelaa ai, de Ia Aamua e dee malangilangi i alaadeu dama daane, be e lodo aloha ange gi alaadeu gauligi gu deai olaadeu damana, aabe go haahine gu maakau olaadeu bodu. Go hiidinga gilaadeu alodahi e dee hai hegau i mee heohi aama de baubau, gai muna a dangada alodahi e tala gu hakino gee. Gai mee nei alodahi tee maua i de hai gi helui dono lili, dono lima goi hagaabo donu huu.

De Beebaa go Job 5:4

Ana dama e dee ola naa donu, gilaadeu gu hagabaubau ina i de masavaa e hagamodu ai muna, gai e deai naa donu dangada e hagaola ina gilaadeu.