Psalm 108:13 - De Beebaa Dabu

¹³ Go de Maadua e hagammahi gimaadeu, gai go ia e hagadee kii ina omaadeu hagadaumee.

Psalm 108:13 Referans Kwoze

Psalm 60:12

De bale a de Maadua e hagammahi gimaadeu, gai go ia e hagadee kii ina omaadeu hagadaumee.

2 Corinthians 2:14

Aagai gi hagaahea ange de abodonu gi de Maadua e dagina laa gidaadeu i masavaa alodahi i lodo o Klisdo, bei dagodo o dangada gu kii laa, gai gidaadeu ga kave saele ai de namu kala o taadeu iloo ia i mommee alodahi.

Isaiah 63:3

“Go au donu huu ne dagadagahi denga grape i de mommee kumi uvaini; gai teai donu se dangada mai i de huaadangada madali au. Au ne dagadagahi gilaadeu i dogu lili ma de hagaduasala gilaadeu gi lalo i dogu bole; gai olaadeu dodo ne ssii age gi ogu malo, gai ogu malo alodahi gu baalau hogi i dodo.

Psalm 18:42

Au ne hagailiili gilaadeu gi lligi bei dagodo o de mama e ilihia laa i de madangi; au ne llingi gilaadeu gi daha bei dagodo o de bela i honga denga haiava.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

Psalm 144:1

Duuhia Tagi Maolunga, dogu Baba makaga, gai go de ia e hagaboo ina ange luoogu lima gi de hebagi, aama ogu madannia gi taua.

2 Chronicles 20:12

Demaadeu Maadua, koe gi hagaduasala ina gilaadeu. Go hiidinga gimaadeu e dee pau ange gi de hagabuulinga hebagi soa gu loomai nei e hebagi mai gi gimaadeu. Gimaadeu e dee iloo be ni aha amaadeu ga hai, aagai gimaadeu e tali de bale mai i oo daha.”

Judges 15:8

Gai Samson ne daa ga maakau hanu dangada soa i kilaa; muli mai gai ia ne hano ga noho i dahi haonga i lo te baba o Etam.