Psalm 107:17 - De Beebaa Dabu

¹⁷ Hanu gilaadeu ne llodo ssenga i hiidinga olaadeu haisala, gai ne hagaduasala i hiidinga olaadeu baubau.

Psalm 107:17 Referans Kwoze

Lamentations 3:39

Gai gu aha tangada gu nanu ai i dono hagaduasala i hiidinga ono haisala?

Proverbs 1:22

“De gau llodo ssenga, dee hee maa taulooloa doodou llodo e daohi doodou llodo ssenga? Dee hee maa taulooloa doodou doo i mee, ma doodou kino i de heiangi?

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Proverbs 7:7

Gai au ne galo ange ga tilo denga dama daane mmodo, gai au ne gidee dahi dama daane i olaadeu magavaa, ia se dama daane lodo senga.

Psalm 92:6

Tangada lodo senga e dee iloo mee nei, tangada senga e dee donu ange aagena,

Psalm 14:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

Proverbs 7:22

De masavaa laa donu huu gai tama daane laa ga daudali ange i de hine laa, bei dagodo o de kaau e hano laa gi de mommee e daa ai denga manu, ia e bei dahi dia gu noodia laa i ssele,