Psalm 107:10 - De Beebaa Dabu

¹⁰ Hanu ne nnoho i lo te goohunga ma de gohu boo dangodango, gilaadeu i lo te hale pono e duasala i denga daula baalanga,

Psalm 107:10 Referans Kwoze

Luke 1:79

e hagamaalama ai gilaadeu e nnoho i lo te gohu aama lalo de malu o de magau, e dagi ange ai gidaadeu gi de haiava o de baba.”

Matthew 4:16

dangada e nnoho i lo te gohu gu gidee e gilaadeu dahi maalama laumalie; gilaadeu e nnoho i de henua o de malu o de magau, de maalama gu hagasula ange gi gilaadeu.”

Micah 7:8

Dogu hagadaumee, koe gi dee malangilangi i ogu dagodo! Ga baguu naa donu au, aagai au e ahe ange naa donu ga hidi age. Gai ga noho naa donu au i lo te gohu, aagai go Tagi Maolunga dogu hagamaalama.

Isaiah 42:7

e hhuge ai ganomada o dangada e dee kide laa, ma de hagassao mai ai gilaadeu e nnoho i lo te hale pono ma lo te gohu.

Matthew 22:13

Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’

Psalm 105:18

Gilaadeu ne hagammae luoono vae i mee noonooa baalanga, gai ne hagaulu ange dono ua gi denga mee noonooa iron,

De Beebaa go Job 3:5

Gai gi iai de goohunga ma de gohu boo dangodango; de hagausinga gi hanage gi haolia de laangi laa; gai de gohu o de laangi gi hagamaatagu mmao.

2 Chronicles 33:11

Gai Tagi Maolunga ne gaamai dagi o denga daane hebagi o de hodooligi o Assyria gi noodia Manasseh gi gaavee; gai gilaadeu ne hagalau ange dahi maadau gi dono usu, ma de nnoa ia i denga mee noonooa baalanga ga kave ai ia gi Babylon.

Isaiah 9:2

Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.