Psalm 106:8 - De Beebaa Dabu

⁸ Aagai ia ne hagaola gilaadeu i hiidinga o dono ingoo, gai ia ga hagaago mai ai dono sauaa mmahi.

Psalm 106:8 Referans Kwoze

Ezekiel 20:9

Aagai au ne hai mee nei i hiidinga o dogu ingoo, gi dee hagangadi mee ina ai dogu ingoo i daho denga huaahenua olaadeu e nnoho laa i olaadeu magavaa. Gai au ne hagaago ange ogu dagodo gi de gau Israel, i dagu hagassao mai gilaadeu i de henua go Egypt.

Exodus 9:16

Aagai au ne dugu goe gi mouli e hagaago adu ai gi de goe dogu sauaa mmahi, gi hagadeledele danuaa ai dogu ingoo i henua i lalo alodahi.

Ezekiel 20:14

Aagai au tee hai donu mee nei, i hiidinga o dogu ingoo, gi dee hagangadi mee ina ai dogu ingoo i daho denga huaahenua, go gilaadeu ne gidee dagu hagassao mai de gau Israel i Egypt.

Romans 9:17

Gai de Beebaa Dabu ne tala ange muna a de Maadua gi Pharaoh, “Au ne hai goe gi hodooligi e hagaago mai ai dogu sauaa i oo daha, ma de hai gi langona e henua i lalo alodahi dogu ingoo.”

Ezekiel 20:44

Gai gi iloo ai e goodou bolo go au donu go Iahweh, i de masavaa aagu e abodonu adu ai gi goodou i hiidinga o dogu ingoo, e dee hagaduasala goodou gi bei dagodo o oodou hegau baubau ma oodou dahulinga hakino gee, de gau Israel, go de Ia Aamua go Iahweh e hagadaba.’ ”

Ezekiel 20:22

Aagai au tee hai mee nei i hiidinga dogu ingoo, gi dee hagangadi mee ina ai au i daho denga huaahenua, go gilaadeu ne gidee dagu hagassao mai gilaadeu.

Jeremiah 14:21

Koe gi dee kino i gimaadeu, i hiidinga doo ingoo; koe gi dee hagangadi mee ina doo nohoanga mahamaha. Manadua dau hagatoo donu hagaheloongoi mai gi gimaadeu gai koe gi dee oohaa ina.

Joshua 7:9

Go hiidinga de gau Canaan ma dangada e nnoho i de henua e langona naa e gilaadeu mee gu hai nei, gai gilaadeu e loomai naa ga duuli gidaadeu, ga daa gidaadeu gu deai gidaadeu e doe i honga de henua. Gai aahee ai naa dagodo o doo ingoo maolunga naa?”

Exodus 15:6

Tagi Maolunga, doo lima madau e mmahi mmao; Tagi Maolunga, doo lima madau gu hagabalaginagina de hagadaumee.

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Psalm 143:11

Tagi Maolunga, hagaola ina dogu mouli i hiidinga o doo ingoo; hagaola ina dogu mouli mai i ogu hai ngadaa, i hiidinga koe e heohi.

Psalm 111:6

Ia gu hagaago ange gi ono dangada ana hegau sauaa, i dana gaavange gi gilaadeu henua o denga huaahenua.

Exodus 18:8

Gai Moses ga tala ange gi dono saulaba mee alodahi a Tagi Maolunga gu hai ange gi Pharaoh ma de gau Egypt, i hiidinga o de gau Israel, ma hai ngadaa alodahi gu paa i gilaadeu i delaadeu seesee ga loomai, aama de hagaola a Tagi Maolunga gilaadeu.

Joshua 4:24

Gai ia ne hai mee nei gi iloo ai e dangada alodahi i henua i lalo, bolo de lima o Tagi Maolunga e mmahi, gai gi maatagu ai goodou i Tagi Maolunga doodou Maadua i masavaa alodahi.”

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Psalm 23:3

Ia e hagammahi dogu hagasaalunga. Ia e dagi au i de haiava o de heohi, i hiidinga o dono ingoo.

Isaiah 48:9

Au ne daohi dogu bole i hiidinga o dogu ingoo; au ne daohi dogu lili i de goe, gi duuhia ai au, gi dee hagalilo ina ai e au goe.