Psalm 106:43 - De Beebaa Dabu

⁴³ Ne lagolago hanonga aana ne hagaola ai gilaadeu, gai gilaadeu ne daudali donu huu i alaadeu hagatau, gai olaadeu baubau gu hai gilaadeu ma gu maolalo.

Psalm 106:43 Referans Kwoze

Psalm 81:12

Deelaa ai, au e dugu ange naa gilaadeu gi daudali i alaadeu hagasaele hagamaolunga.

Psalm 1:1

E manuuia tangada e dee daudali i hagasaele a de gau baubau, be ago ange i dahulinga a de gau haisala, aabe e hagabuni ange gi de gau doo mee.

Psalm 106:29

gai gilaadeu ne hai ga lili Tagi Maolunga i alaadeu hegau baubau, gai de mee hagamaakau gu humai gi gilaadeu.

1 Samuel 13:19

De masavaa laa gai gu deai donu se dangada e haia denga goloa baalanga i de henua o Israel alodahi; go hiidinga de gau Philistia ne hagataba, “De gau Hebrew kana maua i de hai denga gadilaasa ma dao!”

Judges 6:5

Gai gilaadeu e loomai ma alaadeu manu haangai ma olaadeu hale malo. E soa gilaadeu ne loomai bei de lagolago o de hagabuulingaa itebuubuu; gai gilaadeu ma alaadeu gamelo e dee maua donu hogi i de dau. Deelaa ai, gilaadeu ne oha mee i honga de henua i de masavaa olaadeu ne loomai ai.

Judges 5:8

De masavaa ne hili ange ai denga maadua hoou, gai de hebagi gu dae mai gi de henua. Gu deai mee hungihungi be se dao e gidee i daho e haasemada daane hebagi o Israel.

Judges 6:6

Gai de gau Israel gu hagaau aloha mmao i de hai a de gau Midian; gai gilaadeu ga tangi ange gi Tagi Maolunga gi balea ange gilaadeu.

Judges 10:12

Gai de gau Sidon, ma de gau Amalek, aama de gau Maon ne hagaduasala hogi goodou; gai de masavaa huu oodou ne tangi mai ai gi de au, gai au ga hagaola goodou mai i gilaadeu.

Psalm 107:11

go hiidinga gilaadeu ne hai baasi ange gi muna a de Maadua, ma de hagangadi mee agoago a de Ia Maolunga Mmao laa.