Psalm 105:8 - De Beebaa Dabu

⁸ Ia e manadua dana hagatoo donu hagaheloongoi ga hano ai, ma ana muna gu tala, ange gi e mano atangada,

Psalm 105:8 Referans Kwoze

Deuteronomy 7:9

Deenei ai, goodou gi iloo bolo Tagi Maolunga doodou Maadua go de Maadua donu; ia e hai hegau i de muna abodonu, gai e daohi dana hagatoo donu hagaheloongoi ma de aloha ange gi gilaadeu e aaloha i de ia, ma de daudali i ana muna, ga dae ai loo gi de mano atangada.

Psalm 111:5

Ia e gaavange gai a dangada e maatagu i de ia; ia e dee ngalo donu dana hagatoo donu hagaheloongoi.

Psalm 106:45

Gai ia ne manadua dana hagatoo donu hagaheloongoi, ga sui dana maanadu ga abodonu ange gi gilaadeu.

Psalm 105:42

Gai ia e manadua dana hagatoo donu dabu ange gi dono dangada hai hegau go Abraham.

1 Chronicles 16:15

Ia e manadua dana hagatoo donu hagaheloongoi ga hano ai, ma ana muna gu tala, ange gi e mano atangada,

Daniel 9:4

Gai au ne dalodalo ange gi Tagi Maolunga dogu Maadua, ga tala omaadeu haisala, ga hai ange: “Dogu Ia Aamua, go koe de Maadua maolunga ma de hagamaatagu, gai se Maadua e daohia dana hagatoo donu hagaheloongoi, ange gi gilaadeu e aaloha i de ia ma de daudali i ana muna.

Psalm 111:9

Ia ne hagaola ono dangada; ia ne hai dana hagatoo donu hagaheloongoi gi dagodo ga hano ai, dono ingoo e dabu gai e hagamaatagu.

Nehemiah 1:5

Au ne hai ange: “Tagi Maolunga de Maadua o de langi, gai se Maadua maolunga ma de hagamaatagu, gai e daohi dau hagatoo donu heloongoi ma doo abodonu ange gi gilaadeu e aaloha i de goe aama de daohi au muna;

Genesis 17:7

Gai au e hai naa dahi hagatoo donu hagaheloongoi e dee ngado mai adu gi de goe, ma doo hagadiilinga e loomai i oo dua, aama olaadeu atangada alodahi, bolo au go doo Maadua aama de Maadua o doo hagadiilinga e loomai i oo dua.

Genesis 26:3

Noho i de henua nei, gai au e noho madali goe, ga hagamanuuia ai goe. Gai au e gaavadu naa de henua nei alodahi gi de goe ma oo hagadiilinga, ma de hai gi bei dagu hagatoo donu ange gi doo damana go Abraham.

Exodus 2:24

De masavaa huu a de Maadua ne langona ai delaadeu tangi, gai ia gu manadua dana hagatoo donu hagaheloongoi madali Abraham, ma Isaac, aama Jacob.

Deuteronomy 7:8

Aagai go hiidinga Tagi Maolunga ne aloha i goodou, gai ne daohi de hagatoo donu aana gu hagatoo donu ange ai gi oodou dubuna madagidagi, deelaa ai, ia ga hagassao mai goodou i dono lima mmahi, ma de hagaola goodou, mai i de henua oodou nogo hai hegau hagaduasala ai laa, aama mai i ssauaa o Pharaoh, de hodooligi o Egypt.

Deuteronomy 7:12

Gai noo goodou e hagallongo ange gi denga hagamodu nei ma de daohi mee nei ga daudali ai, gai Tagi Maolunga doodou Maadua e daohi hogi dana hagatoo donu hagaheloongoi, ma dono abodonu adu gi goodou, bei dana hai gu hagatoo donu ange gi oodou dubuna madagidagi.

Joshua 21:43

Gai Tagi Maolunga ne gaavange de henua alodahi gi de gau Israel, go de henua aana ne hagatoo donu ange gi olaadeu dubuna madagidagi, gai gilaadeu ne kave ga nnoho ai.

Jeremiah 11:5

Gai au ga hagasula ai de hagatoo donu aagu ne hai ange gi oodou dubuna madagidagi, bolo au e gaavange gi gilaadeu dahi henua iai vai uu ma hooni lagolago’ — go de henua oodou gu henua ai naa anailaa nei.” Gai au ga hai ange, “Tagi Maolunga, ni muna abodonu.”

Micah 7:20

Koe e hai hegau ange naa gi Jacob i de muna abodonu, ma de abodonu ange gi Abraham, bei dau hai gu hagatoo donu ange ai gi omaadeu dubuna madagidagi.