Psalm 105:39 - De Beebaa Dabu

³⁹ Ia ne hai dahi giliiga ga haoli ai gilaadeu, gai ne hai dahi ahi gi hagamaalama ina gilaadeu i de boo.

Psalm 105:39 Referans Kwoze

Nehemiah 9:12

Gai koe ne dagi gilaadeu i tuludulu hagausinga i de laangi, gai de boo i tuludulu ahi e hagamaalama ai de haiava olaadeu e hulo ai.

Psalm 78:14

Ia ne dagi gilaadeu i tuludulu giliiga i de laangi, gai ne dagi gilaadeu i de maalama o de ahi ula i boo.

Isaiah 4:5

Gai Tagi Maolunga e gaamai naa gi honga de mounga go Zion, ma honga o dangada alodahi gu hagabuni i kilaa de hagausinga i de laangi, gai de boo go de useahi ma de ahi ula; gai de mahamaha e haoli naa de mommee laa alodahi bei de hale malo.

Nehemiah 9:19

gai koe tee tili donu gilaadeu i de vao, i hiidinga doo lodo aloha. Gai tuludulu hagausinga ne dagina laa gilaadeu tee hano gee donu i olaadeu daha i de laangi, gai tuludulu o de ahi ne hagamaalama delaadeu haiava i de boo tee hano gee hogi.

Exodus 14:24

Gai denga aoaa hagaloosi hagaodi huu, i de baasi gi boo taiao, gai Tagi Maolunga ne galo iho i lo te duludulu o de ahi ula ma de hagausinga ga tilo de hagabuulingaa daane hebagi o de gau Egypt, ga hai gilaadeu gi ssenga ange.

Deuteronomy 11:5

ma ana mee ne hai adu gi goodou i de vao, ga tae mai ai nei goodou gi de mommee nei,