Psalm 105:1 - De Beebaa Dabu

¹ Hagaahea ange de abodonu gi Tagi Maolunga, dalodalo i dono ingoo; daalaa dagodo ana hegau i daho denga huaahenua.

Psalm 105:1 Referans Kwoze

Isaiah 12:4

De laangi laa gai goodou e hagataba naa: “Hagaahe ange de abodonu gi Tagi Maolunga, ma de dalodalo ange gi de ia; hagadele ina i denga huaahenua dagodo o ana hegau gu hai, ma de tala bolo gi hagaamua ina dono ingoo.

Romans 10:13

Gai e hagadaba de Beebaa Dabu, “Be goai e hagahia de ingoo o Tagi Maolunga e hagamouli donu.”

Psalm 106:1

Duuhia Tagi Maolunga! Hagaahea ange de abodonu gi Tagi Maolunga, i hiidinga ia e danuaa; dono abodonu e dagodo ga hano ai!

Psalm 96:3

Daalaa dagodo o dono mahamaha i magavaa o denga huaahenua, aama ana hegau hagalele mouli i magavaa o dangada alodahi.

1 Chronicles 16:34

Hagaahe ange de abodonu gi Tagi Maolunga, go hiidinga ia e danuaa; dono abodonu e dee helui ga hano ai.

Acts 9:14

Gai ia gu kave hogi ssauaa mai i daho de gau haimeedabu maolunga e noonooa ai dangada alodahi e hagahia doo ingoo.”

Daniel 3:29

Deenei ai, au e hagailoo bolo be goai naa huu dangada mai i dahi huaahenua, aabe go dangada e pasa i denga hagadaagangaa muna alodahi, e daalaa hanu muna e hai baasi ange ai gi de Maadua o Shadrak, ma Meshak aama Abednego, gai e duuduu olaadeu angaanga gi too dagidahi, ma de oha olaadeu hale ga hai gi ni hagabuudungaa gainga, go hiidinga tigi ai ange donu se Maadua ne maua i de hagaola dahi, bei dana hai ne hagaola ai nei.”

Isaiah 51:10

E dee go koe ne haia ga masa tai, ma denga vai o de moana gelo; e dee go koe ne haia dahi haiava i lo te lausedi, e seesee ai gilaadeu aau gu hagaola?

1 Chronicles 29:13

Demaadeu Maadua, gimaadeu e hagaahe adu de abodonu gi de goe, ma de tuhi doo ingoo mahamaha.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Psalm 99:6

Moses ma Aaron ni dangada haimeedabu hogi niiona, Samuel se dangada hogi e dalodalo ange gi de ia. Gilaadeu nei ne dalodalo ange gi Tagi Maolunga, gai ia ne basa ange gi alaadeu dalodalo.

1 Chronicles 29:20

Muli mai gai David ne hai ange gi dangada alodahi gu hagabuni laa, “Duuhia Tagi Maolunga doodou Maadua.” Gai dangada alodahi ga tuhi Tagi Maolunga, de Maadua o olaadeu dubuna madagidagi, ga ino gi lalo ga daumaha ange gi Tagi Maolunga, ma de hagadubu de hodooligi.

Psalm 89:1

Au e daahili i hiidinga de abodonu Tagi Maolunga, ga hano ai, au e tala dagodo o doo hai hegau i de mee abodonu i denga atangada alodahi.

1 Chronicles 25:3

Gai mai i dama daane a Jeduthun: go Gedaliah, ma Zeri, ma Jeshaiah, ma Shimei, ma Hashabiah, aama Mattithiah, e dogoono gilaadeu. Gai go Jeduthun delaadeu damana e dagina gilaadeu, gai gilaadeu ne pasa pelaabisi, ma de hagadangidangi i de harp ga hagaahe ange de abodonu ma de tuhi Tagi Maolunga.

Numbers 23:23

E deai donu se huuhuaa mee e maua i de hai baasi ange gi Jacob, e deai donu mee e dee iloo e hai baasi ange ai gi Israel. Gai e tala naa dagodo o Jacob ma Israel: ‘Diiloo mee hagalele mouli a de Maadua gu hai!’