Psalm 104:7 - De Beebaa Dabu

⁷ Gai denga lausedi ne saavini ga hulo gee i dau masavaa ne hagasee ai; gilaadeu e ssali ga hulo i de babaa o au hatuli.

Psalm 104:7 Referans Kwoze

Psalm 18:15

Lodo ava o tai gu ssula age, gai dagelo o henua i lalo gu gidee, i dau hagasee e Tagi Maolunga, ma dau busi luoo bongaa usu.

Mark 4:39

Gai ia ga alahage ga hagasee de madangi ma de beau, ga hai ange, “Gi sili de madangi, gai gi malino honga de vai!” Gai gu sili de madangi, gai gu malino mmao.

Genesis 8:1

Gai de Maadua gu manadua e ia a Noah ma denga manu lodo henua, ma manu haangai alodahi e nnoho madali ia i lo te vaga hale. Gai de Maadua ga hai gu ssau mai de madangi mmahi gi honga de henua gi hagaahea ai tai.

Proverbs 8:28

de masavaa aana ne hai ai denga giliiga i lo te langi, ma de hagatuu ai denga dagelo o tai,

Psalm 106:9

Ia ne hagasee Tai Mmea, gai gu hai ga se gelegele mmasa; ia ne dagi gilaadeu laa lo te vai, gu masa bei uda henua.

Psalm 77:18

De babaa o au hatuli e ngolo bei de madangi mmahi, au uila e hagamaalama henua i lalo, gai henua i lalo e ngalungalue ma de ngalullulu.