Psalm 104:15 - De Beebaa Dabu

¹⁵ ma uvaini e hagamalangilangi ai tangada, ma lolo e hulu ai luoono mada gi malamalama, aama gai e hagammahi ai de angaanga o tangada.

Psalm 104:15 Referans Kwoze

Psalm 23:5

Koe e hagadabena dahi deebele mai gi de au, i madamada o ogu hagadaumee. Koe e hagasulu dogu biho i de lolo; dagu ubu gu honu malingilingi.

Ecclesiastes 10:19

Denga gai ne hai gi kada dangada, gai denga uvaini e hai ga malangilangi tangada, aagai denga sseene e hai ga maua mee alodahi.

Ecclesiastes 9:7

Hannoo, gaina au gai ga malangilangi, ma de unu au uvaini ga lodo danuaa, go hiidinga de Maadua e malangilangi i dau hai mee nei.

Judges 9:13

Aagai de grapevine ga hai ange gi gilaadeu, ‘E aha, e heohi dagu tili de hai uvaini e hagamalangilangi ina laa denga diinonga ma dangada, gai au ga hano e duu e hagasingasinga i honga denga manu ssomo ange laa?’

Hebrews 1:9

Koe e lodo i de heohi gai e kino i de baubau. Deenei ai, de Maadua, doo Maadua gu hai goe gi maolunga ange i oo soa ange laa, i dana hagasulu goe i de lolo o de malangilangi.”

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

Psalm 92:10

Gai koe gu hai au gi mmahi bei de manu aada; koe gu hagasulu au i de lolo hoou.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

Ezekiel 4:16

Ia ne hai mai hogi gi de au, “Tama a tangada, tilo, au e hai naa gi onge Jerusalem; gai dangada e hagabau naa alaadeu pelaoaa e gai ma de maatagu, aama de hagabau alaadeu vai e unu ma teai selaadeu tali,

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Judges 9:9

Aagai de olive ga hai ange gi gilaadeu, ‘E aha, e heohi dagu tili de hai lolo, e hagadubu ai laa denga diinonga ma dangada, gai au ga duu e hagasingasinga i honga denga manu ssomo ange laa?’

Luke 7:46

Koe tee hagasulu dogu biho i de lolo, aagai de hine nei gu hagasulu luoogu vae i de vai manongi.

Isaiah 3:1

Tilo, de Ia Aamua, Tagi o denga hagabuulinga hebagi e kave gee naa de bale o Jerusalem ma Judah ma goloa olaau e tali hagalodolodo ange laa aagena, ma denga gai alodahi, ma vai alodahi;

Ecclesiastes 8:1

Goai e bei dagodo o tangada heiangi? Gai goai e iloo de hagadoonunga o dahi mee? De heiangi e hai ga maalama luu mada o tangada, ma de sui gi dee dagodo lili luoono mada.

Proverbs 31:6

Gaavange mee mmahi gi dangada gu dai maakau, ma uvaini gi gilaadeu e daemaha olaadeu lodo;

Psalm 105:16

Ia ne hai gi humai de onge gi honga de henua, gai ne hai gi deai alaadeu gai;

Deuteronomy 28:40

Koe e doo naa denga olive lagolago i doo henua alodahi, aagai koe e dee hulu naa donu i denga lolo e hai ai, i hiidinga hua o denga olive e odi naa i de malili.

Deuteronomy 8:3

Gai ia ne hagamaolalo goodou i dana hai ga hiikai goodou, gai ga haangai adu goodou i denga manna, ni gai niiodou ma oodou dubuna madagidagi tee iloo i mua. Ia ne hai mee nei gi tonu ange ai goodou, bolo tangada e dee mouli donu huu i pelaoaa, aagai ia e mouli i muna alodahi e tala i de ngudu o Tagi Maolunga.

Leviticus 26:26

De masavaa naa huu aagu e hai ai gi deai oodou gai, gai e dinoangahulu haahine e dao naa alaadeu momo pelaoaa i e dahi umu, gai gilaadeu e hagahidi naa pelaoaa laa ga duha dagi de momo. Goodou e gaimee naa, gai e dee maua gi boobosu.

Mark 14:23

Gai ia ne poo mai hogi de ubu ga dalodalo, gai ia ga gaavange gi gilaadeu; gai gilaadeu alodahi ga unu ai.

Ezekiel 14:13

“Tama a tangada, de masavaa naa huu o dangada i de henua e haisala mai ai gi de au ma de daahuli gee mai i de au, gai au e hagaabo naa dogu lima ga hagaduasala ai gilaadeu, ma de hai gi deai alaadeu gai i dagu gaamai de onge gi honga de henua, ga daa ai dangada ma manu gi maakau,

Ezekiel 5:16

de masavaa aagu e tili ai goodou i denga dao o de mee hholu, go dao hagamaakau o de onge, go dao e hagammae ai goodou, gai au e tili naa donu e daa ai goodou gi maakau. Gai au e aheahe ange naa e hai gi onge goodou gi deai ai oodou gai.

Genesis 18:5

gai au ga gaamai hanu pelaoaa e hagammahi age ai goodou, gai muli mai gai goodou ga hulo ai, go hiidinga goodou gu tae mai gi daho doodou dangada hai hegau.” Gai gilaadeu ga hai ange, “E danuaa, koe gi haia gi bei au muna.”

Judges 19:5

Gai de hagahaa laangi huu gai gilaadeu ne oho age i taiao, gai taane laa ne hagadabena e hano. Aagai dono saulaba ga hai ange gi de ia, “Gaimee gi mmahi goe, gai koe ga hano ai.”

2 Samuel 13:28

Gai Absalom ne hai ange gi ono dangada hai hegau, “Goodou dagidiiloo de masavaa o Amnon e unu ai ga senga, gai ga hai adu naa huu au, ‘Daia Amnon gi magau,’ gai goodou ga daa ia gi magau. Gai goodou e dee maatagu donu. E dee go au e hai adu nei goodou gi haia de hegau nei? Goodou gi mmahi ma de lo taane.”

Proverbs 31:7

dugua ange gilaadeu gi unu gi ngalo ai e gilaadeu delaadeu hagaau aloha, gilaadeu gu dee manadua delaadeu duasala.

Isaiah 55:10

Agu muna e bei de langi ma snow e loiho laa i de langi aagai e dee aahe age ange gi de langi, gai e hagamaluulu honga de henua ga hai gi matili age denga manu ssomo, gai gi hanu ai golee a tangada doo mee ma pelaoaa a tangada e gai;

Zechariah 10:7

Ephraim e bei naa dagodo o denga daane dau i de hebagi; gilaadeu e malangilangi naa bei dangada e unumia laa uvaini. Alaadeu dama e malangilangi naa i delaadeu gidee mee nei; gilaadeu e malangilangi naa i Tagi Maolunga.