Psalm 103:18 - De Beebaa Dabu

¹⁸ ma ange gi gilaadeu e daohia dana hagatoo donu hagaheloongoi, ma de hagamaanadu ana hainga.

Psalm 103:18 Referans Kwoze

Deuteronomy 7:9

Deenei ai, goodou gi iloo bolo Tagi Maolunga doodou Maadua go de Maadua donu; ia e hai hegau i de muna abodonu, gai e daohi dana hagatoo donu hagaheloongoi ma de aloha ange gi gilaadeu e aaloha i de ia, ma de daudali i ana muna, ga dae ai loo gi de mano atangada.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Proverbs 3:1

Dagu dama, aude ngalo agu agoago, aagai daohia agu hainga i oo lodo;

Psalm 132:12

Noo au dama e daohi dagu hagatoo donu hagaheloongoi, ma muna aagu e agoago ange gi gilaadeu, gai alaadeu dama e dagi naa i doo nohoanga ga hano ai e dee ngado mai.”

Psalm 25:10

Haiava alodahi o Tagi Maolunga iai de aloha ma de hai hegau i de mee abodonu, gai ni mee ange gi gilaadeu e daohia dana hagatoo donu hagaheloongoi.

Exodus 24:8

Gai Moses ga kave denga dodo ga dabudabui ange gi honga o dangada, ga hai ange gi gilaadeu, “Aanei dodo o de hagatoo donu hagaheloongoi a Tagi Maolunga ne hai madali goodou, bei dagodo o muna nei alodahi.”

Acts 24:16

Deenei ai, au e hagaduu ngae e hai gi heohi tagi i ogu lodo ange gi de Maadua aama ange gi dangada.

Exodus 19:5

Gai noo goodou e hagallongo mai gi agu muna ma de daudali i dagu hagatoo donu hagaheloongoi, gai au e hili naa goodou mai i magavaa o denga huaahenua alodahi, e hai ai dogu huaadangada hagamogomogo. Niiogu henua i lalo alodahi,

2 Chronicles 34:31

Gai de hodooligi ne duu i dono duulanga ga hai ai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa.

Deuteronomy 4:23

Gai goodou kana ange gi dee ngalo e goodou de hagatoo donu hagaheloongoi a Tagi Maolunga doodou Maadua gu hai madali goodou, gai goodou ga hai ai dahi diinonga ga hagadagodo ange gi dahi mee daudahi a Tagi Maolunga doodou Maadua gu hai adu goodou gi dee haia.

1 Thessalonians 4:1

Aanei amaadeu muna hagaodi: denga daina, gimaadeu e iloo bolo goodou e hagamalangilangi donu de Maadua i oodou mouli, gai gimaadeu e dangidangi adu gi goodou i hiidinga o taadeu Dagi Maolunga go Iesu Klisdo, goodou haia gi kii ange doodou hai de mee nei, bei de hai amaadeu gu agoago adu ai goodou.

Numbers 15:40

Gai gi manadua ai e goodou ma de daudali i agu muna alodahi, gai goodou ga hagadabu ange ai goodou ange gi doodou Maadua.

Deuteronomy 7:12

Gai noo goodou e hagallongo ange gi denga hagamodu nei ma de daohi mee nei ga daudali ai, gai Tagi Maolunga doodou Maadua e daohi hogi dana hagatoo donu hagaheloongoi, ma dono abodonu adu gi goodou, bei dana hai gu hagatoo donu ange gi oodou dubuna madagidagi.

Isaiah 64:4

Mai madagidagi gai dangada tigi langona, be gu tonu ange aagena, aabe gu gidee dahi Maadua bei oo dagodo, ia e balea ange gilaadeu e daalia ange ia.