Psalm 101:6 - De Beebaa Dabu

⁶ Au e daumada gilaadeu e hai hegau i de muna abodonu i honga de henua, gai gilaadeu ga nnoho ai i ogu daha. Tangada e dee haisala i dono hai e hai hegau ai, go ia e hai hegau mai gi de au.

Psalm 101:6 Referans Kwoze

Psalm 119:63

Au se soa niiolaadeu alodahi e maatagu i de goe, ma gilaadeu e daohia au muna gu hagasauaa.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

Matthew 24:45

“Goai tangada hai hegau e kana ange laa ma de heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi?

Psalm 15:4

Ia e kino i tangada e haia de baubau, aagai e hagadubu gilaadeu e maatagu i Tagi Maolunga; ia e hagasula dana mee gu hagatoo donu ai, e dee galemu donu de hai ngadaa;

Proverbs 29:2

De masavaa olaadeu e heohi e hagadagadaga age ai, gai dangada e malangilangi; aagai de masavaa naa huu o tangada baubau e dagi ai, gai dangada e duasala.

Proverbs 28:28

De masavaa naa huu o de gau baubau e sula ai ga mmahi, gai dangada ga mmuni; aagai de masavaa naa huu olaadeu e maakau ai, gai gilaadeu e heohi gu hagadagadaga age.

Psalm 34:15

Tagi Maolunga e dagitilo gilaadeu e heohi, gai luoono dalinga e hagallongo alaadeu dangidangi.

John 14:3

Gai noo au e hano e hagadabena dahi mommee moodou, gai au e ahe mai naa e kave goodou gi nnoho madali au, gai goodou ga nnoho ai hogi i dogu mommee iai.

Leviticus 14:42

Gai gilaadeu gi gaamai hanu hadu hoou gi suuia ai hadu ne aau laa, ma de hai hanu bela pigi ga lebu ai de hale laa.