Psalm 101:5 - De Beebaa Dabu

⁵ Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

Psalm 101:5 Referans Kwoze

Psalm 18:27

Koe e hagaola gilaadeu e llodo maolalo, aagai e hagamaolalo gilaadeu e llodo maolunga.

Psalm 15:3

Ia e dee hagabaubau dahi dangada gee, gai e dee hai ange de baubau gi tangada e baa ange gi de ia, aabe hagabaubau dahi dangada gee.

Proverbs 30:13

Hanu dangada e kona de lodo maolunga, gai e kona de hagangadi mee dangada.

Psalm 50:20

Koe e duudagi huu de hai baasi ange gi doo daina; ma de hagabaubau tama daane a doo dinana donu.

Titus 2:3

Gai e bei ai hogi denga haahine maatua, agoagona ange gilaadeu gi ni haahine dabu i delaadeu hai e hai hegau ai, gilaadeu gi dee hai samu, aabe gi ssenga ange gi de unu uvaini, aagai gilaadeu gi ni haahine e agoagona mee danuaa.

1 Corinthians 5:11

Aagai au ne sisi adu goodou gi dee hagabuni ange gi tangada e hagadaba bolo ia se daina noo ia se dangada hai be se manu, be se dangada nnoo hagamau mee, be e daumaha ange gi denga diinonga, be se dangada hai samu, be se dangada e lodo i de unu gi senga, aabe se dangada gaiaa. Gai goodou e dee gaimee donu hogi madali tangada bee nei.

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Proverbs 20:19

Tangada hai samu e hagangadi mee de tali a tangada; deelaa ai, aude hagabuni ange gi tangada vava de ngudu.

Ezekiel 22:9

E hanu dangada i oo daha e hagabaubau ina dangada ma de llodo e daa dangada gi maakau; e hanu hogi dangada e gaimee i mommee daumaha i honga denga mounga, ma de hai denga dahulinga hakino gee.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Proverbs 25:23

De madangi mai i ngaiho e gaamai de langi; gai tangada hai samu e hai dangada ga llili.

Proverbs 10:18

Tangada e hagamuunia laa dono kino se dangada donu hadu muna, gai be goai e hagadele ina muna hagabaubau se dangada lodo senga.

Psalm 138:6

Tagi Maolunga e galo ange gi gilaadeu e maolalo, e dee galemu donu ia e maolunga mmao, aagai ia e hagammao gee i de gau hagamaolunga.

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.

Leviticus 19:16

Aude hano gi hagadele ina hanu muna hhadu i magavaa o dangada. Aude hai baasi ange gi tangada, gai balea ange tangada e baa adu gi de goe, i de masavaa e hagamodu ai ono muna. Go au donu go Iahweh.

Exodus 23:1

“Aude hagadele ina denga longo hhadu. Aude hagabuni ange gi tangada baubau gi daalaa hagadonu ina ai ana muna hhadu.

Exodus 20:16

Aude hagabaubau ina tangada e baa adu gi de goe i hanu muna hhadu.

1 Timothy 3:11

E bei ai hogi, olaadeu bodu gi ni haahine e hagadubu i daho dangada, gilaadeu gi dee llodo e hai samu, gai gi dee llodo e unu gi ssenga, gai gi hai hegau i de muna abodonu i mee alodahi.

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.