Psalm 100:4 - De Beebaa Dabu

⁴ Ulu i denga haitoga o dono hale hagaahea ange de abodonu, ulu gi lodo ono buibui hagadegi ina ai ia; hagaahea ange de abodonu gi de ia, ma de hagadegi dono ingoo.

Psalm 100:4 Referans Kwoze

Hebrews 13:15

Deenei ai, gidaadeu ga duudagi taadeu gaavange gi de Maadua ssigidaumaha o de tuhi, i de ingoo o Iesu i masavaa alodahi, deenei go taadeu tala hagadonu dono ingoo.

1 Chronicles 29:13

Demaadeu Maadua, gimaadeu e hagaahe adu de abodonu gi de goe, ma de tuhi doo ingoo mahamaha.

Psalm 66:13

Au e gaamai naa gi doo hale agu sigidaumaha dudu; au e hagassula naa donu agu mee gu hagatoo donu ai,

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Psalm 96:2

Daahili ange gi Tagi Maolunga, hagadegi ina dono ingoo; hagadele ina dagodo o dana hagaola i laangi alodahi.

1 Chronicles 29:20

Muli mai gai David ne hai ange gi dangada alodahi gu hagabuni laa, “Duuhia Tagi Maolunga doodou Maadua.” Gai dangada alodahi ga tuhi Tagi Maolunga, de Maadua o olaadeu dubuna madagidagi, ga ino gi lalo ga daumaha ange gi Tagi Maolunga, ma de hagadubu de hodooligi.

Psalm 65:1

De Maadua, e heohi donu de tuhi goe i Zion, ma de hagassula amaadeu hagatoo donu adu gi de goe.

Psalm 95:2

Gidaadeu ga hulo gi ono mada i mua e hagaahe ange ai de abodonu, ma de hagaamua ia i taahili tuhi.

Psalm 96:8

Duuhia Tagi Maolunga i de mahamaha o dono ingoo, gai gaamai dahi sigidaumaha loomai ai gi lodo ono buibui.

Psalm 99:3

Dangada gi duuhia doo ingoo maolunga ma de hagamaatagu! Ia e dabu mmao.

Psalm 122:2

Jerusalem, gimaadeu gu tuu i lodo haitoga o doo buibui.

Psalm 122:4

Deelaa de mommee o denga aamuli e loage aagena, go denga aamuli o Tagi Maolunga, e tuhi ai de ingoo o Tagi Maolunga, bei dagodo o de hainga gu gaavange gi Israel.