Proverbs 7:23 - De Beebaa Dabu

²³ ga dae ai gi de velosia dono ade; ia e bei de manu lele e hagasoe ange laa gi lo te sele, ia tee iloo donu bolo e daa naa ia ga magau.

Proverbs 7:23 Referans Kwoze

Ecclesiastes 9:12

E dahi ange mee: e deai donu se dangada e iloo dono masavaa: de mamu e buulou i lo te galauna baubau, gai de manu lele e noodia i dahi sele, gai e bei ai hogi dangada e gaavee i denga masavaa baubau e daa hagalele laa donu huu de dae mai gi gilaadeu alodahi.

Proverbs 9:18

Aagai gilaadeu e dee iloo donu bolo go kilaa iai de gau maakau, gai dangada i kilaa gu nnoho donu i lo te geelonga o de gau maakau.

Proverbs 1:17

E deai haigamaiana de dugu dahi sele i de mommee a denga manu llele e gidee ai.

Proverbs 6:26

gai de hagaoanga o de hine hai be se manu se duudangaa pelaoaa donu huu, gai de hine dau bodu e dagitilo e vaivai hai doo mouli.

Proverbs 6:32

Taane dagodo haisala se dangada donu senga, gai be goai e haia hegau nei e daa donu huu ia ga magau.

Proverbs 7:22

De masavaa laa donu huu gai tama daane laa ga daudali ange i de hine laa, bei dagodo o de kaau e hano laa gi de mommee e daa ai denga manu, ia e bei dahi dia gu noodia laa i ssele,

Ecclesiastes 7:26

Gai au gu gidee de mee e kii ange de mmala i de magau: go de hine e bei laa dagodo o ssele ma galauna, gai luoono lima e bei denga seeini. Gai tangada e madagu i de Maadua e ola mai naa i ono daha, aagai tangada haisala e noodia naa i ssele laa.