Proverbs 6:14 - De Beebaa Dabu

¹⁴ ia e hagasaele denga hagatau baubau i ono lodo, ma de hagadee heloongoi magavaa o dangada i masavaa alodahi.

Proverbs 6:14 Referans Kwoze

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

Hosea 8:7

Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.

Ezekiel 11:2

Gai Tagi Maolunga ne hai mai gi de au, “Tama a tangada, aanei denga daane ne haia dahi hagatau baubau ma de gaavange denga hagasaele baubau gi dangada i de aduhale nei.

Isaiah 57:20

Aagai de gau baubau e bei dagodo o honga tai beabeau; e dee maua laa gi malino, gai ono beau e maga age bela ma gelegele.”

Isaiah 32:7

Haingaa mee a tangada vaivai dagodo e baubau, ia e hadu age denga hagatau baubau e daa ai gi maakau de gau hagaau aloha i ana muna hhadu, e dee galemu donu tangidangi a de gau hagaau aloha e heohi.

Proverbs 22:8

Tangada e dooa de baubau e hagihagi naa de hai ngadaa, gai de laagau o de lili e hagaduasala ai laa dangada e hagadeai naa.

Proverbs 21:8

De haiava o tangada gu haisala e bigo, aagai hegau a tangada gilimalali e heohi.

Proverbs 3:29

Aude haia dahi hagatau baubau e hai baasi ange ai gi tangada e baa adu gi de goe; go de ia e dahi ana tali i de goe i dono noho i oo gaogao.

Proverbs 2:14

gilaadeu e malangilangi i de hai mee dee heohi ma de llodo danuaa i de hagammahi e hai de baubau;

Psalm 36:4

Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

Psalm 140:2

go gilaadeu e hagasaelea denga hagatau dee heohi i olaadeu lodo, ma de damadaa de hebagi i masavaa alodahi.

Proverbs 16:27

Tangada e deai ono haigamaiana e hagatau de hai de baubau, gai ana muna e bei de ahi e duungia laa mee alodahi.

Proverbs 17:20

Tangada maanadu baubau e deai donu sana mee danuaa e gide, gai tangada e daahangadia dangada i ana muna e duu ange naa gi de hai ngadaa.

Proverbs 24:8

Tangada e haia denga hagatau baubau e hagabinga bolo se dangada e vaivai dagodo.

Psalm 140:3

Olaadeu alelo e hagamaakau bei de alelo o de labodo hagammau, de mee hagammau i lodo olaadeu malaungudu. Selah

Proverbs 3:32

go hiidinga Tagi Maolunga e kino i tangada vaivai dagodo, aagai ia tala ange ono lodo gi tangada heohi.

Proverbs 14:22

Dangada e haia hagatau baubau e haisala donu, aagai gilaadeu e haia hagatau danuaa, e kave de abodonu ma de mee abodonu.