Proverbs 6:12 - De Beebaa Dabu

¹² Tangada e deai ono haigamaiana, se dangada baubau, e hagadaga saele ma e tala denga muna hhadu;

Proverbs 6:12 Referans Kwoze

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Proverbs 16:27

Tangada e deai ono haigamaiana e hagatau de hai de baubau, gai ana muna e bei de ahi e duungia laa mee alodahi.

Proverbs 4:24

Dilia gee de ngudu hadu muna, gai daohia doo ngudu gi dee daalaa muna hakino gee.

1 Timothy 5:13

E dahi ange mee, gilaadeu gu ngadi nnoho, ma de hagadaga saele i hale o dangada ga hai samu ai ma de baatai, aama de tala mee e dee heohi delaadeu tala.

Acts 20:30

Gai e hanu donu hogi dangada i oodou magavaa e hiihidi age ga hagahaisala de mee heohi ga dagi gee ai hanu daina.

Proverbs 17:4

Tangada baubau e hagallongo muna a tangada baubau, gai tangada hadu muna e hagallongo denga muna hagabaubau.

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

Psalm 59:7

Tilo, gilaadeu e pasa hagamaolunga, gai alaadeu muna e kangi bei de gadilaasa; gilaadeu e hagataba, “Goai naa donu e langona adaadeu muna?”

James 3:6

De alelo e bei de ahi ula. Gai se mommee iai de baubau gu dugu madali mee i odaadeu angaanga, gai e hai ga hakino gee de angaanga alodahi, gai e haula ai mee alodahi, mai i de ahi o Gehenna.

Proverbs 11:6

De heohi o olaadeu e heohi e hagaola gilaadeu, aagai gilaadeu e dee hai hegau i de mee abodonu e noodia naa i olaadeu llodo dee heohi.

Proverbs 6:14

ia e hagasaele denga hagatau baubau i ono lodo, ma de hagadee heloongoi magavaa o dangada i masavaa alodahi.

Proverbs 2:12

ga hagaola goe mai i de haiava o de baubau ma mai i gilaadeu e hagahai ngadaa ina dangada i alaadeu muna,

Psalm 36:3

Ana muna e tala e baubau, ma de daahanga dangada; ia gu dee hai hegau i de heiangi ma tanuaa.

Psalm 10:7

Dono ngudu e honu i muna baubau, ma de hadu muna, aama muna hagamaatagu; gai lalo dono alelo iai de vaivai dagodo ma de baubau.

Psalm 10:3

Tangada baubau e tala hagasoenga mee i ono lodo, ia e tuhi tangada nnoo gai e hagangadi mee Tagi Maolunga.

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.

Jeremiah 24:2

Dahi gede iai denga hua fig danuaa mmao, bei denga hua e lleu laa i taamada, aagai de gede ange laa iai denga hua fig gu pobo baubau, gu dee maua donu i de gai.

1 Samuel 17:28

Gai dono daina madua go Eliab gu langona e ia muna a David ne hai ange gi denga daane. Gai ia gu lili mmao, gai ia ga hai ange, “Se hanonga aha donu oou ne humai ai naa? Gai goai aau ne dugu gi diiloo ange denga momo ssiibi ma guudi i de vao laa? Au e iloo bolo koe e lodo maolunga ma de baubau oo lodo. Koe se lodo donu huu e humai e tilo de hebagi.”

Proverbs 10:32

Tangada heohi e iloo be aahee muna e heohi ange gi dahi masavaa, aagai tangada baubau e tala donu denga muna hhadu.

Psalm 101:3

Au e dee dugu naa donu dahi mee hakino gee i mada luoogu mada. Au e kino i hegau a dangada e daahuli gee i de goe; au e dee daudali ange donu i alaadeu dahulinga.

Proverbs 3:32

go hiidinga Tagi Maolunga e kino i tangada vaivai dagodo, aagai ia tala ange ono lodo gi tangada heohi.

Proverbs 16:30

Tangada e hagadabadaba ina laa luoono mada e maanadu de hai de baubau; gai tangada e hagalloa ina laa luoono malaungudu e noho e hai de baubau.