Proverbs 5:22 - De Beebaa Dabu

²² Hegau baubau a tangada baubau e gidee mai naa donu, gai ia e noodia ma e makaga i ono haisala.

Proverbs 5:22 Referans Kwoze

Proverbs 11:5

De heohi o olaadeu e dee haisala e hai gi soe delaadeu haiava, aagai dangada baubau e magau i hiidinga delaadeu baubau.

Proverbs 1:18

De gau bee nei e tali donu huu delaadeu maakau, gilaadeu e daa donu huu gilaadeu gi maakau.

Psalm 9:15

Denga huaahenua gu too ange gi lo te geelinga alaadeu ne geli; olaadeu vae gu llave i de galauna alaadeu ne dugu hagammuni.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Ecclesiastes 7:26

Gai au gu gidee de mee e kii ange de mmala i de magau: go de hine e bei laa dagodo o ssele ma galauna, gai luoono lima e bei denga seeini. Gai tangada e madagu i de Maadua e ola mai naa i ono daha, aagai tangada haisala e noodia naa i ssele laa.

Proverbs 11:3

De hai hegau i de mee abodonu e dagi gilaadeu e hai hegau ai, aagai dangada e dee hai hegau laa i de mee abodonu e maakau naa donu i delaadeu hadu muna.

Numbers 32:23

Aagai noo goodou e dee hai gi bei muna nei, gai goodou e haisala ange donu gi Tagi Maolunga; goodou gi iloo bolo oodou haisala e aahe adu naa donu huu gi goodou.

Judges 20:41

Gai denga daane o Israel ga huuhuli ga aahe mai, gai denga daane o Benjamin gu maatagu, go hiidinga gilaadeu gu gidee bolo gilaadeu gu tuu ange gi dahi hai ngadaa.

Psalm 40:12

I hiidinga hai ngadaa lagolago gu duuli au; ogu baubau gu aahe mai donu gi de au, au gu dee maua i de galo ange e tilo. Ogu baubau gu lagolago ange i ngaangaaulu o dogu biho; gai au gu deai sagu tali.

Lamentations 1:14

Ogu haisala gu nnoa ange au gi de laagau hagahai hegau, gai go luoono lima ne hagamakaga ina mee nei; mee nei ne daudau ange gi dogu ua; ia gu hai gi deai ogu mahi. De Ia Aamua gu dugu ange au gi dangada oogu e dee bau ange aagena.

Judges 9:57

Gai de Maadua ne sui ange hogi hegau baubau a dangada o Shechem ne hai. Gai muna hagamalaia a Jotham, tama daane a Jerub-Baal, gu hai ange donu gi gilaadeu.

1 Kings 18:18

Elijah ne hai ange, “E dee go au e hagahai ngadaa ina de gau Israel, gai go koe, ma de huaabodu o doo damana, go hiidinga goodou gu tili hainga a Tagi Maolunga, gai gu daudali ange i denga Baal.

Esther 9:25

Aagai de masavaa a de hodooligi ne iloo ai de hagatau laa, gai ia ne hagadaba i de leda aana ne sisi ai laa, i dagodo o de hagatau baubau a Haman ne hai laa e hai baasi ange gi de gau Ssuu, bolo gi ahe ange donu huu gi de ia, gai gi daudaulia gilaadeu ma ana dama daane i honga denga laagau.

De Beebaa go Job 18:8

Gai luoono vae gu hai ia ma gu doo ange gi lo te galauna, gai ia ne hano ga lave i ono lodo.

Psalm 9:17

Tangada baubau e ahe ange gi de mommee o de gau maakau, madali denga huaahenua ne ngalo laa de Maadua.

Proverbs 11:6

De heohi o olaadeu e heohi e hagaola gilaadeu, aagai gilaadeu e dee hai hegau i de mee abodonu e noodia naa i olaadeu llodo dee heohi.

Proverbs 12:14

Muna a tangada e hagadanuaa naa ia i mee danuaa; hegau a tangada e hagadanuaa naa donu huu ia.

Proverbs 14:32

Tangada baubau e hagaduasala donu huu i ana hegau baubau, aagai tangada heohi e dahi donu ono buibui i de masavaa o de magau.

Proverbs 18:7

Muna a tangada lodo senga e hagabaubau donu huu ia, gai ana muna e nnoa donu huu ia.

Proverbs 24:12

Noo koe e hagadaba, “Tilo, gimaadeu tee iloo donu,” e aha, de ia e hagahidi ina lodo o dangada e dee iloo e ia de mee nei? E aha, de ia e hagaloosia adu doo mouli e dee iloo e ia de mee nei? Gai ia e dee hagao ange naa dahi ma dahi gi bei dagodo o ana hegau?

Proverbs 26:27

Tangada e gelia laa dahi geelinga e doo ange naa gi ono lodo, gai tangada e hagadigelia dahi hadu, de hadu laa e ahe mai naa ga dau i de ia.

Obadiah 1:15

De laangi o Tagi Maolunga gu dae mai donu gi honga o denga huaahenua alodahi. Gai au mee ne hai, e hai adu naa donu hogi gi de goe; au hegau baubau e aahe adu naa donu gi de goe.