Proverbs 5:18 - De Beebaa Dabu

¹⁸ Koe gu manuuia i dau vai, gai koe gi malangilangi i de hine oou ne hai bodu ange naa aagena i de masavaa oou e dama daane ai.

Proverbs 5:18 Referans Kwoze

Ecclesiastes 9:9

Koe gi malangilangi madali doo bodu, go de ia oou e aloha ai, i laangi alodahi e deai haigamaiana, a de Maadua gu gaavadu i doo mouli i lalo de laa, go hiidinga deenei doo duuhanga i de mouli nei, ma au hegau i lalo de laa.

Song of Songs 4:15

Koe e bei de veelenga iai dahi vai, gai se vai geli iai vai hoou ma denga vai e ssali iho laa i Lebanon.

Song of Songs 4:12

Dogu daina hahine, dogu hagababa, e bei de veelenga e lloga laa, ma de vai gu pono laa.

Deuteronomy 24:5

Noo dahi daane se goodo hai bodu, gai ia e dee hai gi hano gi de hebagi, be gi haia dahi hegau ange. Ia e maua i de noho i dono hale i e dahi ngadau, ga hai ai gi malangilangi dono bodu.

Proverbs 5:16

Aude dugua ange ono vai gi ssali gi hulo gi hanu mommee gee, aabe go honga haiava o dangada!

Proverbs 5:17

Aagai go koe donu huu e unu ai, aude dugua ange hanu dangada gee gi unu ai madali goe.

Proverbs 9:17

“Denga vai gaiaa e maimai, gai denga gai e gai hagammuni laa e mammami!”