14 Ne momo ange donu huu au gu hagadogaa ina i magavaa o de hagabuulingaa dangada.”
Tangada e daudali ange i de gau heiangi e hagadaga ange naa de heiangi, aagai tangada e hagabuni ange gi de gau llodo ssenga e hagaduasala donu.
Au tee hagallongo ange gi muna a ogu dangada agoago, gai tee anga ange gi muna ne tala mai gi de au.
Unumia donu huu vai mai i lo taau vai hoda, ma vai e ssali mai i dau vai geli donu.
Aagai au, luoogu vae ne dai ssege donu, gai ne momo ange huu au gu baguu.
Tangada e hagalaangona laa muna hagaheohi e hagaago mai de haiava o de mouli, aagai tangada e dee anga ange gi muna hagaheohi e dagi ange dangada ange laa gi de haisala.