Proverbs 4:24 - De Beebaa Dabu

²⁴ Dilia gee de ngudu hadu muna, gai daohia doo ngudu gi dee daalaa muna hakino gee.

Proverbs 4:24 Referans Kwoze

James 1:26

Noo dahi dangada e hagadaba bolo ia se dangada taumaha, aagai ia e dee maua i de daohi dono alelo, gai ia e daahanga donu huu ia, dono se dangada taumaha e deai donu haigamaiana.

Proverbs 8:8

Muna alodahi aagu e tala e heohi, e deai donu se muna dee heohi aabe se muna hhadu iai.

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

1 Peter 2:1

Deenei ai, goodou dilia denga maanadu baubau alodahi, ma de hagasenga alodahi, ma de daahanga dangada, ma de magiaa, aama de hai samu alodahi.

Proverbs 6:12

Tangada e deai ono haigamaiana, se dangada baubau, e hagadaga saele ma e tala denga muna hhadu;

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

Colossians 3:8

Gai iainei goodou dilia gee mee nei alodahi: go de lili, go de bolebole, go de lodo e hebagi ange gi dangada, go de hai samu, aama de vaivai basa.

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Proverbs 17:20

Tangada maanadu baubau e deai donu sana mee danuaa e gide, gai tangada e daahangadia dangada i ana muna e duu ange naa gi de hai ngadaa.

De Beebaa go Job 11:14

Noo e hanu oo baubau, gai koe dugu gee mai i oo daha, gai de gau baubau gi dee nnoho i oo hale.

Proverbs 4:25

Daumada ina donu huu oo mada i mua, daumada ina oo mada i mua ma de hagasoe i doo haiava.

Proverbs 10:32

Tangada heohi e iloo be aahee muna e heohi ange gi dahi masavaa, aagai tangada baubau e tala donu denga muna hhadu.

Proverbs 19:1

Tangada hagaau aloha e hai hegau laa i de mee heohi, e danuaa ange i tangada lodo senga ma de hadu muna.

Psalm 34:14

Koe gi hano gee i de baubau, gai haia tanuaa; ma de ssala gi maua e goe de noho paba.