Proverbs 4:13 - De Beebaa Dabu

¹³ Daohia agu agoago, aude dilia donu, gai diiloo ange gi danuaa, go hiidinga deenei doo mouli.

Proverbs 4:13 Referans Kwoze

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.

Proverbs 3:18

De heiangi e bei de manu somo o de mouli, ange gi dangada alodahi e gaavee; gai gilaadeu e daohia de heiangi nei, e manuuia donu.

Proverbs 23:23

Hagao ina de mee abodonu, gai koe gi dee hagao ina gi daha, gai hagao ina de heiangi, ma agoago heohi, aama de donu ange danuaa.

Deuteronomy 32:47

Gai e dee ni ngadi muna donu huu e tala adu gi goodou, aagai go doodou mee donu e mouli ai. Gai go muna nei oodou e mouli ai ga daulooloa, i de henua oodou ga hulo naa e kave i baasi i dai o Jordan.”

1 Thessalonians 5:21

aagai hagataalea ange mee alodahi; gai daohi mee danuaa.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 2:42

Gai gilaadeu nei ne hagaduu ngae ga daudali i agoago a de gau tala ma de hagabuni madali gilaadeu ga gaimee ma de dalodalo.

John 6:68

Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

Song of Songs 3:4

Gai au ne damaa hano donu huu ga ui i gilaadeu, gai au gu gidee de ia oogu e aloha ai. Gai au ga buuludi ange ia ga daohi ia gi dee hano ga dae ai gi dagu kave ia gi de hale o dogu dinana, ma lo te aabi o de hine ne hai dama i de au.

Ecclesiastes 7:12

De heiangi se buibui niio tangada, gai e bei ai hogi denga sseene, aagai deenei de haigamaiana o de iloo mee: de heiangi e hagaola de mouli o tangada e heiangi laa.

Proverbs 3:22

luu mee nei e gaavadu naa gi de goe de mouli, gai e bei de mee dau e hagamahamaha ai laa doo ua.

Genesis 32:26

Gai taane laa ga hai ange, “Dugua au gi hano, go hiidinga gu maalama age.” Aagai Jacob ga hai ange, “Au e dee dugu donu goe gi hano ga dae ai gi dau hagamanuuia au.”

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

Proverbs 6:23

Go hiidinga de muna nei e bei de laama, gai de agoago nei se mee hagamaalama; gai doo hagaheohi ina e hagaabo ange goe gi de haiava o de mouli,

Proverbs 8:35

Go hiidinga be goai e gidee au e gidee de mouli, gai Tagi Maolunga e abodonu ange gi de ia.

Proverbs 10:17

Tangada e hagalaangona laa muna hagaheohi e hagaago mai de haiava o de mouli, aagai tangada e dee anga ange gi muna hagaheohi e dagi ange dangada ange laa gi de haisala.