Proverbs 31:5 - De Beebaa Dabu

⁵ kana unu gilaadeu ga ssenga ga ngalo denga hainga gu hagasauaa, gai gilaadeu ga kave gee de heohi o dangada alodahi e duasala.

Proverbs 31:5 Referans Kwoze

Habakkuk 2:5

E dahi ange mee, denga uvaini e hagasenga ia; ia e lodo maolunga gai e dee hagamabu donu. Go hiidinga dono nnoo hagamau mee e bei de mommee o de gau maakau, gai e bei de magau e dee maua laa gi lava ana dangada e kave; ia e hagabudu denga huaahenua alodahi, ma de hagadee kii denga huaadangada alodahi.

Exodus 23:6

Aude buibuia de hagamodu heohi ange gi tangada hagaau aloha, i de masavaa e hagamodu ai ono muna.

Leviticus 10:9

“Goodou ma au dama daane e dee unu uvaini ma mee vii, i de masavaa oodou e ulu ai gi lo te hale malo hagabuni, gi dee maakau ai goodou. De mee nei se hainga gu hagasauaa adu gi goodou ma oodou atangada alodahi ga hano ai.

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

1 Kings 20:12

De masavaa a Ben-Hadad ne langona ai muna nei, gai ia e noho ma e unu madali denga hodooligi ange laa i lalo dahi baasi hale, gai ia ga hai ange gi ono daane, “Goodou hagatau.” Gai gilaadeu ga tuu ga hagatau i olaadeu duulanga e hebagi ange ai gi de aduhale laa.

Proverbs 17:15

Tangada e hagaheohi ina laa tangada haisala, gai e hagabaubau tangada heohi — Tagi Maolunga e kino i luu hegau nei ngaadahi.

Proverbs 18:5

E dee danuaa doo hagabuni ange gi tangada baubau, aabe go de hagamodu muna o tangada tigi haisala i mee dee heohi.

Isaiah 5:22

E vakaa naa denga daane dau i de unu uvaini, ma denga daane mmahi i de hilo denga mee mmahi,

Isaiah 5:23

go gilaadeu e degi ange gi tangada gu haisala i hiidinga o de ngadi gaavange hagasenga, aagai e dee hagamodu muna o tangada tigi haisala i de mee heohi.