Proverbs 31:4 - De Beebaa Dabu

⁴ Lemuel, e dee ni mee ange gi denga hodooligi — e dee heohi de unu a denga hodooligi denga uvaini, aabe go de unu a denga dagi mee mmahi,

Proverbs 31:4 Referans Kwoze

Proverbs 20:1

De uvaini e bei tangada doo mee, gai mee mmahi e hai ga hagalongaa tangada; be goai e dugua ange de mee nei gi dagina ia e dee heiangi.

Isaiah 5:22

E vakaa naa denga daane dau i de unu uvaini, ma denga daane mmahi i de hilo denga mee mmahi,

Ecclesiastes 10:17

E manuuia de henua noo dono hodooligi se dangada aamua abodonu, gai ono dagi e daonga i de masavaa heohi — e hagammahi ai olaadeu angaanga, e dee go de unu gi ssenga!

Habakkuk 2:5

E dahi ange mee, denga uvaini e hagasenga ia; ia e lodo maolunga gai e dee hagamabu donu. Go hiidinga dono nnoo hagamau mee e bei de mommee o de gau maakau, gai e bei de magau e dee maua laa gi lava ana dangada e kave; ia e hagabudu denga huaahenua alodahi, ma de hagadee kii denga huaadangada alodahi.

Esther 3:15

Gai de gau ne gaavee laa de hagailoo, ne hagamoolau ga hulo i hiidinga muna a de hodooligi; gai muna laa ne hagailoo hogi i de madaaolo go Susa. Dua mee laa gai de hodooligi ma Haman ne nnoho ga unu, aagai dangada i de aduhale go Susa gu dee tonu ange gi de hagailoo laa.

1 Kings 20:12

De masavaa a Ben-Hadad ne langona ai muna nei, gai ia e noho ma e unu madali denga hodooligi ange laa i lalo dahi baasi hale, gai ia ga hai ange gi ono daane, “Goodou hagatau.” Gai gilaadeu ga tuu ga hagatau i olaadeu duulanga e hebagi ange ai gi de aduhale laa.

1 Kings 16:9

Gai Zimri, dahi dagi i ono lalo, go taane e diiloo ange laa dahi luu baasi o ono hada hebagi, ne hai dahi hagatau e daa ai ia gi magau. De masavaa laa gai Elah e noho ma e unu i de hale o Arza, taane e diiloo ange de hale o de hodooligi i Tirzah.

Esther 1:10

Gai de hagahidu laangi huu, i de masavaa o de hodooligi gu senga ai i de unu uvaini, gai ia ga hai ange gi Mehuman, ma Biztha, ma Harbona, ma Bigtha, ma Abagtha, ma Zethar, aama Carcas, go denga eunuch dogohidu e hai hegau laa i ono mada i mua,

Proverbs 23:34

Koe e bei naa tangada e seni laa i honga de moana, ia e dagodo ma e seni i ulu dahi bou.