Proverbs 30:8 - De Beebaa Dabu

⁸ gaavee gee de mee dee heohi ma de hadu muna mai i ogu daha; gai haia gi dee hagaau aloha au aabe gi kona dogu lava, aagai gaamai donu huu gai e danuaa mai gi de au i dahi laangi;

Proverbs 30:8 Referans Kwoze

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Luke 11:3

Gaamai gi gimaadeu gai e danuaa mai gi gimaadeu i dahi laangi ma dahi laangi.

Psalm 119:37

Hagahulia gee luoogu mada i mee e deai olaadeu haigamaiana; gai hagaola ina dogu mouli gi bei dagodo o au muna.

Psalm 119:29

Gaavee gee de hadu muna mai i ogu daha, gai agoagona mai au i au hainga i hiidinga doo abodonu.

De Beebaa go Job 23:12

Au ne kii ange dogu daudali i ana muna gu tala mai, i dagu hagamogomogo i agu gai.

Proverbs 21:6

Denga goloa hagamogomogo e maua i de hadu muna e bei mama o denga vai e moolau laa de lilo, gai e bei ssele o de magau.

Matthew 6:11

Koe gaamai gai e danuaa mai gi gimaadeu ailaa nei.

Proverbs 22:8

Tangada e dooa de baubau e hagihagi naa de hai ngadaa, gai de laagau o de lili e hagaduasala ai laa dangada e hagadeai naa.

2 Kings 25:30

Gai de hodooligi ne gaavange dahi mee e hagadanuaa ai ia, i taulooloa dono mouli.

Exodus 16:35

Gai ne madahaa ngadau a de gau Israel ne gai ai denga manna; gilaadeu ne gaimee i mee nei ga dae ai gi delaadeu tae gi de henua e nnoho ai dangada; gilaadeu ne gai hogi manna ga dae ai gi delaadeu tae gi denga goinga o de henua go Canaan.

Acts 14:15

“Goodou denga daane, gu aha goodou gu hai ai naa mee naa? Gimaau ni dangada donu huu bei oodou dagodo. Gimaau ne gaamai gi goodou de longo danuaa gi daahuli gee ai goodou i mee e deai olaadeu haigamaiana, gi daahuli ange gi de Maadua e mouli laa, go ia ne haia de langi ma henua i lalo ma tai aama mee alodahi iai.

Isaiah 5:18

E vakaa naa dangada e daangia saele baubau i daula o de mee dee heohi, ma de dada saele haisala bei daula o de hada,

Ecclesiastes 1:2

E hagadaba Tangada Agoago, “E deai haigamaiana! E deai haigamaiana! Mee alodahi e deai donu haigamaiana.”

Exodus 16:18

Gai ga hagabau huu alaadeu mee i de omer; tangada ne lagolago laa ana mee ne hagabudu ne heohi ange donu huu gi taelodo o dangada i dono hale. Gai tangada ne sogoisi laa ana mee ne hagabudu ne heohi ange donu hogi gi taelodo o dangada i dono hale.

Exodus 16:15

Gai ga gidee huu e de gau Israel mee laa, gai gilaadeu tee iloo be ni aha aalaa. Gai gilaadeu ga hagadau ssili ga hagataba, “Ni aha aanei?” Gai Moses ga hai ange gi gilaadeu, “Aanei gai a Tagi Maolunga gu gaavadu e gaimee ai goodou.

Jeremiah 52:34

Gai de hodooligi ne gaavange mee o Jehoiachin e hagadanuaa i taulooloa dono mouli, ga dae ai gi de laangi oona ne magau ai.

Jeremiah 37:21

Gai de hodooligi go Zedekiah ne hagadaba bolo gi gaavee Jeremiah gi haoa gi lo te buibui o de gau hagaloosi. Laangi alodahi, gai gilaadeu ne gaavange gi de ia dahi duudangaa pelaoaa mai i daho de gau hai pelaoaa, ga dae ai gi de odi pelaoaa i de aduhale. Gai Jeremiah ne noho i lo te buibui o de gau hagaloosi.

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

Exodus 16:29

Goodou gi iloo bolo Tagi Maolunga gu gaavadu gi goodou Sabbath; deelaa ai, ia gu gaavadu gi goodou oodou gai e gaimee ai i e lua laangi i de ono laangi; gai e deai donu se goodou e sao gi haho i de hidu laangi.”

Genesis 28:20

Gai Jacob ne hai dahi hagatoo donu, ga hagadaba, “Noo de Maadua e noho madali au, ma de tilo mai au i dogu sailago, ga gaamai agu mee gai ma ogu malo,

John 2:8

Gai Iesu ga hai ange gi gilaadeu, “Asua hanu gaavee gi tagi o taonga.” Gai de gau hai hegau ne asu hanu ga kave gi tagi o taonga.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Proverbs 30:7

E lua agu mee e dangidangi adu ai, gai koe gi dee daohia mee nei i de au i mua dogu magau:

Proverbs 13:5

Tangada heohi e kino i de tala muna hadu, aagai hegau a tangada baubau e hagadookaa ma de hagangadi mee ina.