Proverbs 30:13 - De Beebaa Dabu

¹³ Hanu dangada e kona de lodo maolunga, gai e kona de hagangadi mee dangada.

Proverbs 30:13 Referans Kwoze

Proverbs 6:17

go luu mada hagamaolunga, ma de alelo hadu muna, ma lima e daia dangada tigi haisala,

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Psalm 131:1

Tagi Maolunga, au e dee lodo maolunga, gai luoogu mada e dee llodo gi lunga; au e dee hagasaele de hai hanu hegau nnui, aabe ni mee e dee maua e au i de hai.

Psalm 101:5

Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

Habakkuk 2:4

Tilo, ia e lodo maolunga, gai ono lodo e dee heohi; aagai tangada heohi e mouli donu i dono gai.

Ezekiel 28:9

E aha, e maua naa huu e goe i de hagadaba, “Au se maadua,” i madamada o dangada e daia goe ga magau? Koe e bei donu huu dagodo o dangada e maakau laa, e dee se maadua, i de masavaa alaadeu e poo ai goe ga daa gi magau.

Isaiah 3:16

E hagadaba Tagi Maolunga, “Denga damaa hine o Zion e hagamaolunga, gilaadeu e seesee hagassoenga saele, ma de galogalo hai kai saele; gilaadeu e lagalaga maalie i delaadeu seesee, gai mee dau i olaadeu gubu vae e dadangi.

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.

Isaiah 5:15

Dangada e hai naa ga maolalo, gai dangada e hagamaolalo ina na, tangada hagamaolunga e hagangadi mee ina naa.