Proverbs 30:12 - De Beebaa Dabu

¹² Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.

Proverbs 30:12 Referans Kwoze

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Proverbs 16:2

Tangada e maanadu bolo ana hegau alodahi e gilimalali, aagai Tagi Maolunga e hagahidi dagodo o ono lodo.

2 Timothy 3:5

gilaadeu e hagaago donu huu de hai lodo o de Maadua, aagai gilaadeu e hagangadi mee donu ssauaa o de Maadua. Gai koe gi dee hagabuni ange gi gilaadeu e haia mee nei.

Jeremiah 2:35

gai koe e hagadaba, ‘Au tigi haisala donu; ia e dee lili donu i de au.’ Tilo, au e hagaduasala naa goe i hiidinga koe e hagadaba, ‘Au tigi haisala donu.’

Titus 3:5

gai ia ga hagamouli gidaadeu; gai e dee go hiidinga o adaadeu hegau heohi, aagai go hiidinga dono degi, i dana hagagilimalali i de hagahoou odaadeu lodo i daho de Hagasaalunga Dabu,

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Isaiah 65:5

Gilaadeu e hai mai, ‘Koe gi hano gee mai i kinei, aude humai gi hagabaa mai, go hiidinga au e kii ange de dabu i de goe!’ De gau bee nei e bei de useahi i lodo luoogu bongaa usu, ma de ahi e gaa laa i taiao ga boo ai.

Proverbs 21:2

Tangada e maua i de maanadu bolo ono haiava e heohi, aagai Tagi Maolunga e hagahidi dagodo o ono lodo.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Isaiah 1:16

goodou gaugau gi gilimalali ai goodou. Aaua gee oodou hegau baubau mai i mada luoogu mada; duudia doodou hai de baubau,

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Psalm 51:2

Sooloa gi odi ogu baubau alodahi, ma de hagagilimalali au mai i ogu haisala.

Psalm 36:2

Go hiidinga ia e tuhi donu huu ia, bolo ono baubau e dee gidee donu aabe e hakino gee.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

De Beebaa go Job 33:9

‘Au e gilimalali gai e deai donu ogu haisala, au tigi haisala donu, gai e deai donu ogu dee heohi.

Judges 17:13

Gai Micah ga hagadaba, “Au e iloo bolo iainei gai Tagi Maolunga e hagamanuuia naa donu au, i hiidinga de hagadiilinga o Levi nei gu hai ai dogu dangada haimeedabu.”

Judges 17:5

Gai taane go Micah e dahi ono mommee hai daumaha, gai ia ne hai dahi ephod ma hanu diinonga, ga hili dahi ana dama daane e hai ai dono dangada haimeedabu.

Hosea 12:9

Go au donu go Iahweh doo Maadua ne hagassao ina mai goe i de henua go Egypt. Au e ahe ange naa e hai goe gi nnoho i lodo hale malo bei laangi o denga daonga gu hagailonga laa.