Proverbs 3:34 - De Beebaa Dabu

³⁴ Ia e doo mee i gilaadeu e doo mee i de ia, aagai e abodonu ange gi gilaadeu e lodo maolalo.

Proverbs 3:34 Referans Kwoze

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Proverbs 9:12

Noo koe e heiangi, gai e danuaa adu donu gi de goe, gai noo koe se dangada doo mee, gai go koe donu huu e duasala ai.

Psalm 138:6

Tagi Maolunga e galo ange gi gilaadeu e maolalo, e dee galemu donu ia e maolunga mmao, aagai ia e hagammao gee i de gau hagamaolunga.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Proverbs 21:24

Tangada basa hagasoenga se dangada lodo maolunga — dono ingoo go de lodo maolunga, gai ia e hai hegau hagamaolunga.

Proverbs 19:29

De hagaduasala e baba ange gi de gau doo mee, gai de hagailiili se mee ange gi dua o de gau lodo ssenga.

Psalm 18:26

Koe e hai hegau i de gilimalali ange gi gilaadeu e gilimalali, aagai e hagaago ange gi de gau vaivai daakodo doo alasala.

Proverbs 14:9

De gau llodo ssenga e hakadanga i de hagaheohi o haisala, aagai gilaadeu e heohi e kave naa de abodonu.

Proverbs 16:19

E danuaa ange doo lodo maolalo gai e noho i magavaa o de hagaau aloha, i dau vaevae goloa ne maua i de hebagi madali de gau hagamaolunga.

Proverbs 1:26

deelaa ai, au e gadagada naa hogi i goodou i doodou masavaa e hai ngadaa ai; au e doo mee naa hogi i goodou, i doodou maatagu,