Proverbs 3:28 - De Beebaa Dabu

²⁸ Aude hai ange gi tangada e baa adu gi de goe, “Hannoo ga aahe mai ange ai, gai au ga gaavadu ai gi de goe daiao” — gai e dahi donu mee i oo daha.

Proverbs 3:28 Referans Kwoze

Leviticus 19:13

Aude vaivai haia tangada i oo gaogao, aabe gi gaiaadia ana mee. Aude daohia de hagaoanga o tangada hai hegau ga dae ai gi de laangi i ono dua.

2 Corinthians 8:11

Deenei ai, goodou hagalava ina de hegau gu baba ange laa e hai, gi bei doodou hai ne llodo ai laa, i mee oodou e hanu.

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

2 Corinthians 9:3

Aagai au ne hai gi loadu hanu odaadeu daina gi oodou daha, gi dee ni ngadi muna ai amaadeu ne tuhi ai goodou, gai gi paba ange ai goodou, bei dagu hai gu tala ai laa.

Ecclesiastes 11:6

Koe gi doo ina au golee i taiao, gai koe gi dee ngadi noho i de ahiahi, go hiidinga koe e dee iloo be dee hee de mee e somo, go de mee nei aabe go de mee ange laa, aabe go luu mee nei ngaadahi e ssomo.

Proverbs 27:1

Aude basa hagasoenga i dagodo o daiao, go hiidinga koe e dee iloo be ni aha e hai i dahi laangi.

Song of Songs 5:3

Au gu lava i de hagaui dogu malo; e aha, ga ahe ange au e gahu? Au gu lava i de hhui luoogu vae; e aha, ga ahe ange au e hai gi gelegele luoogu vae?