Proverbs 3:25 - De Beebaa Dabu

²⁵ Aude madagu i de mee hagamaatagu e humai daa hagalele laa, be go de hagaduasala e daia laa de gau baubau,

Proverbs 3:25 Referans Kwoze

Psalm 112:7

Ia e dee madagu donu i denga longo hagamanavasaa; ia e duu ma e makaga, gai e hagadonusia Tagi Maolunga.

1 Peter 3:14

Aagai e dee galemu naa donu noo goodou gu hagaduasala i doodou hai de mee heohi, gai goodou gu manuuia. Goodou gi dee maatagu i gilaadeu aabe gi manavasaa oodou lodo.

Psalm 91:5

Gai koe e dee madagu naa donu i de mee hagamaatagu i de boo, ma tao o de mee hholu e tili laa i de laangi,

John 14:1

“Goodou gi dee manavasaa oodou lodo; gai goodou hagadonusia de Maadua, gai gi hagadonusia hogi au.

Mark 4:40

Gai ia ga hai ange gi ana dangada agoago, “Gu aha gu maatagu ai naa goodou? Goodou e deai naa donu oodou kai?”

Matthew 24:6

Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi.

Psalm 73:19

Gai ne daa hagalele donu delaadeu maakau, ma de gaavee gee alodahi i de mee hagamaakau!

Luke 21:9

Gai de masavaa naa huu oodou e langona ai de hai denga hebagi ma de hellumi o dangada, gai goodou gi dee maatagu; mee nei e hai naa donu i mua, aagai tigi dae mai de hagaodi.”

Matthew 24:15

“Deenei ai, noo gu gidee e goodou de mee hakino gee e haia laa ga ngadi dagodo de mommee, gu duu i de mommee dabu, go mee gu tala laa i daho de pelaabisi go Daniel,” (gai tangada e daulia muna nei gi donu ange),

Proverbs 1:27

ma de masavaa o de hai ngadaa e dae mai ai gi goodou, bei dagodo o de madangi mmahi, ma de hai ngadaa e humai ai bei dagodo o ssio, ma tuasala aama tee nnoho paba e tae mai ai gi goodou.

Isaiah 54:14

De aduhale e hagaduu naa i de heohi, gai de hagaduasala e mmao gee naa donu, gai goodou e dee maatagu naa donu i dahi mee daudahi. De mee hagamaatagu e kave naa donu gi mmao gee i goodou; e dee dai baabaa adu naa donu gi goodou.

Micah 4:4

Gai dahi ma dahi e noho baba naa i lalo dana grapevine aama lalo dana fig, gu deai dangada e hagamaatagu ina gilaadeu, go hiidinga Tagi o denga hagabuulinga hebagi gu lava donu i de tala mee nei.

Zechariah 9:8

Aagai au e duuli naa dogu hale, ma de tilo gi deai hagabuulinga hebagi e ulu ai. E deai ange naa hogi daane hebagi e vaivai haia ogu dangada, go hiidinga iainei gai au gu dagitilo gilaadeu.