Biblia Todo Logo
Bib sou entènèt

- Piblisite -




Proverbs 3:1 - De Beebaa Dabu

1 Dagu dama, aude ngalo agu agoago, aagai daohia agu hainga i oo lodo;

Gade chapit la Kopi




Proverbs 3:1
31 Referans Kwoze  

Haia gi heiangi goe, haia gi dahi oo donu ange; aude ngalo agu muna, aabe gi hano gee i agu muna.


Au e malangilangi i au hainga gu hagasauaa; au e dee ngalo naa donu au muna.


Dagu dama, hagalaangona muna a doo damana e hagaheohi adu ai goe, gai aude dilia agoago a doo dinana.


Au e dee haihai naa donu ga ngalo au muna gu hagasauaa, i hiidinga go au hainga ne hagaola ina dogu mouli.


Haia gi donu ange au, gai au ga daohi dau hainga ma de daudali i mee nei i ogu lodo alodahi.


Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.


Au e doange au muna i ogu lodo, gi dee haisala adu ai au gi de goe.


Goodou kana ange daudali i hainga alodahi aagu gu tala adu gi goodou anailaa nei, gi daulooloa ai oodou mouli ma doodou hagadili gi soa; gai goodou ga hulo ga kave de henua a Tagi Maolunga gu hagatoo donu ange gi oodou dubuna madagidagi.


Galo mai diiloo dogu duasala, gai hagaola ina dogu mouli, i hiidinga au tee ngalo donu au hainga.


Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.


Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,


Au gu silivaahea saele bei dagodo o ssiibi gu dee maleva laa; humai saalaa doo dangada hai hegau, go hiidinga au e dee ngalo donu au hainga.


Gai goodou kana ange gi dee ngalo e goodou de hagatoo donu hagaheloongoi a Tagi Maolunga doodou Maadua gu hai madali goodou, gai goodou ga hai ai dahi diinonga ga hagadagodo ange gi dahi mee daudahi a Tagi Maolunga doodou Maadua gu hai adu goodou gi dee haia.


kana unu gilaadeu ga ssenga ga ngalo denga hainga gu hagasauaa, gai gilaadeu ga kave gee de heohi o dangada alodahi e duasala.


Alahage, alahage! Jerusalem, hidi age, koe gu unu mee mai i de lima o Tagi Maolunga, go de ubu o dono bole, koe gu unu ma gu masa mee i ono lodo, go de ubu e haia ga ssee saele dangada.


aagai au e abodonu ange gi atangada soa o dangada e aaloha i de au, ma de daohi agu hainga.


Au e hagamanuuia naa ia i de mouli daulooloa, ma de hagaago ange dagu hai e hagaola ai ia.”


Gai ga noodia naa donu au i uga a de gau baubau, gai au e dee ngalo donu dau hainga.


Dagu dama, noo koe e hagallongo agu muna ma de hagamogomogo agu muna adu gi de goe,


go hiidinga au e gaavadu gi goodou agoago heohi, goodou aude dilia agu agoago.


De biho sinasinaa e bei de hau mahamaha; de mee nei e maua i daho tangada e heohi.


Dagu dama, dugua mai oo lodo gi de au, gai luoo mada gi diiloo ogu haiava.


Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.


Goodou daudali i muna alodahi a Tagi Maolunga doodou Maadua gu tala adu gi goodou, gi mouli ai goodou ma de nnoho paba, gai gi daulooloa ai doodou nnoho i honga de henua oodou ga hulo naa e kave.


Aude dilia dahi agu muna daudahi, gai daohia mee nei i oo lodo;


E aha, de heiangi e dee oo laa ma e hagaagahi? De donu ange e dee oo mai laa?


De heiangi gu hagaduu dono hale; gai ia gu duuduu mai i lo te baba e hidu duludulu moo de hale laa.


Swiv nou:

Piblisite


Piblisite