Proverbs 29:8 - De Beebaa Dabu

⁸ De gau doo mee e bei tangada e duungia laa de aduhale, aagai de gau heiangi e hai ga sili de lili o tangada.

Proverbs 29:8 Referans Kwoze

Proverbs 11:11

De manuuia o olaadeu e heohi e hai ga hagadagadaga age de aduhale, aagai muna a de gau baubau e oha de aduhale.

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Proverbs 16:14

De bole o de hodooligi e bei tangada e gaamai longo o de magau, aagai tangada heiangi e maua i de hagasili dono bole.

Ezekiel 22:30

Au ne ssala dahi dangada i olaadeu magavaa gi hagaduulia age de buibui ma de duu i de mommee masaavava i lo te buibui o de henua, gi dee oohaa ina ai e au de aduhale, aagai au tee gidee dahi dangada daudahi.

Numbers 25:11

“Phinehas tama daane a Eleazar, de mogobuna o tangada haimeedabu go Aaron, gu hai ma gu helui dogu bole i de gau Israel, ia ne lodo gaiaa i ogu hiidinga i olaadeu magavaa, gai au tee daa gi odi de gau Israel alodahi i dogu lodo gaiaa.

Numbers 16:48

Gai ia ne hano ga duu i magavaa o dangada gu maakau aama dangada goi mouli laa, gai de mee hagamaakau laa gu tuu.

Proverbs 29:9

Noo tangada heiangi e gaavange dahi dangada lodo senga gi de hainga, gai tangada lodo senga e lili naa donu huu ma de gadagada, gai e dee tuu naa donu de hagalongaa.

Proverbs 15:1

De muna maamaane e tuu de bole, aagai muna pada e hai ga lili tangada.