Proverbs 29:4 - De Beebaa Dabu

⁴ Go de mee heohi a dahi hodooligi e maua ai i de hai gi nnoho paba de henua, aagai de hodooligi e nnoo ange gi denga ngadi gaavange hagasenga e oha de henua.

Proverbs 29:4 Referans Kwoze

Proverbs 29:14

Noo de hodooligi e hagamodu muna o de gau hagaau aloha i de heohi, gai dono nohoanga hodooligi e hagaduu naa ga makaga.

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Daniel 11:20

Gai tangada e gaavee dono duulanga, e hai naa gi hano tangada hagabudu taagisese gi hagabudulia taagisese, e hai ai gi mahamaha de nohoanga hodooligi. Gai dua naa huu hanu laangi, gai ia gu daia ga magau, aagai e dee go hiidinga o de lili aabe go de hebagi.

Proverbs 20:8

De hodooligi e noho i honga dono nohoanga e hagamodu ai muna, e hili denga mee baubau alodahi i de masavaa aana e gidee ai.

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Proverbs 16:12

Denga hodooligi e kino i de hai a dangada denga hegau baubau, go hiidinga de nohoanga hodooligi e hagaduu ga makaga i de heohi.

Proverbs 8:15

Go au, de heiangi o denga hodooligi e dagi ai, gai denga dagi e hagatuu ai denga hainga heohi,

Psalm 99:4

De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

Psalm 89:14

Tagelo o doo nohoanga hodooligi go de heohi ma de hagamodu muna heohi; gai koe e hai hegau i de abodonu.

2 Chronicles 9:8

Duuhia Tagi Maolunga doo Maadua! Ia ne malangilangi i de goe, gai ia gu hai goe gi noho i dono nohoanga hodooligi, gai koe ga dagi ai i de ingoo o Tagi Maolunga doo Maadua. Go hiidinga doo Maadua e aloha i Israel, ma de lodo e hai gi dagodo Israel ga hano ai, deelaa ai, ia gu hai goe go delaadeu hodooligi, gai koe ga hagamodu ai olaadeu muna i de heohi.”

1 Kings 2:12

Gai Solomon ne noho i honga de nohoanga hodooligi o dono damana go David; gai dono nohoanga hodooligi gu duu ga makaga.

2 Samuel 8:15

Gai David ne hodooligi i honga Israel alodahi, gai ia ne hagamodu i de soe ma de mee heohi ange gi ono dangada alodahi.

1 Samuel 13:13

Gai Samuel ga hai ange gi a Saul, “Ga kona mmao doo lodo senga; koe tee daohi muna a Tagi Maolunga doo Maadua gu tala adu gi de goe. Noo koe ne daudali ai, gai Tagi Maolunga ne hai doo nohoanga hodooligi gi dagodo i Israel ga hano ai.

De Beebaa go Job 11:6

ma de hagaago adu gi de goe de heiangi e dee iloo laa, go hiidinga dono heiangi e lagolago ono manga. Gai koe gi donu iho: de Maadua gu hagangalo donu hogi hanu oo haisala.

Proverbs 14:34

De mee heohi e hai ga maolunga dahi henua, aagai de haisala e hagadookaa dangada.

Proverbs 16:10

De hodooligi e basa i ssauaa o de Maadua, gai dono ngudu e dee hagahaisala de hagamodu heohi.