Proverbs 29:2 - De Beebaa Dabu

² De masavaa olaadeu e heohi e hagadagadaga age ai, gai dangada e malangilangi; aagai de masavaa naa huu o tangada baubau e dagi ai, gai dangada e duasala.

Proverbs 29:2 Referans Kwoze

Proverbs 28:12

De masavaa naa huu o de gau heohi e kii ai, gai dangada gu malangilangi; aagai de masavaa o de gau baubau e ssula ai, gai dangada e hulo ga mmuni.

Proverbs 11:10

De masavaa naa huu o dangada heohi e hagadagadaga age ai, gai dangada i de aduhale gu malangilangi, gai de masavaa naa huu o dangada baubau e maakau ai, gai dangada gu kona de malangilangi.

Proverbs 28:28

De masavaa naa huu o de gau baubau e sula ai ga mmahi, gai dangada ga mmuni; aagai de masavaa naa huu olaadeu e maakau ai, gai gilaadeu e heohi gu hagadagadaga age.

Esther 8:15

Gai Mordecai ne sao ga hano gee mai i mada i mua o de hodooligi gu gahu i malo hodooligi buluu ma de tea, ma de hau i dahi hau goolo, gai dono malo laa daha e hai i linen tea ma de purple. Gai dangada i de aduhale go Susa gu lodo danuaa ma de malangilangi.

Ecclesiastes 10:5

Au gu gidee dahi mee baubau i lalo de laa, go de baubau e daamada mai laa i daho dahi dagi:

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Esther 3:15

Gai de gau ne gaavee laa de hagailoo, ne hagamoolau ga hulo i hiidinga muna a de hodooligi; gai muna laa ne hagailoo hogi i de madaaolo go Susa. Dua mee laa gai de hodooligi ma Haman ne nnoho ga unu, aagai dangada i de aduhale go Susa gu dee tonu ange gi de hagailoo laa.

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

Matthew 2:3

De masavaa huu a de hodooligi go Herod ne langona ai alaadeu muna, gai gilaadeu ma dangada alodahi i Jerusalem gu dee paba olaadeu lodo.

De Beebaa go Job 34:30

gi dee maua ai e tangada baubau i de dagi, gai ia ga hagahaisala ai dangada.

Proverbs 28:15

Tangada baubau e dagina laa de gau hagaaloha e bei de laiono e hagangolo laa aabe go de bea e hebagi ange laa gi tangada.

Ecclesiastes 10:6

denga duulanga maolunga gu gaavange gi de gau llodo ssenga, gai denga duulanga maolalo gu gaavange gi de gau lava.

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.