Proverbs 29:18 - De Beebaa Dabu

¹⁸ Ga deai naa huu midi hagaago ange, gai dangada gu hai donu huu olaadeu lodo, aagai e manuuia tangada e daohia de hainga.

Proverbs 29:18 Referans Kwoze

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

James 1:25

Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

John 13:17

Noo goodou gu iloo mee nei, gai goodou e manuuia noo goodou e hai hegau ai.

Proverbs 19:16

Be goai e daohia de hainga e buibui dono mouli, aagai be goai e hagangadi mee ina ono haiava e magau donu.

Psalm 119:2

E manuuia gilaadeu e daohia ana muna, ma de ssala ia i olaadeu lodo alodahi,

1 Samuel 3:1

Gai tama daane go Samuel ne hai hegau ange gi Tagi Maolunga i lalo o Eli. Laangi laa gai gu dai deai donu midi hagaago ange, mai i daho Tagi Maolunga.

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Exodus 32:25

Gai ga gidee huu e Moses bolo Aaron gu tili ange donu huu dangada gi haia olaadeu lodo, ma de hai olaadeu hagadaumee gi pasa hakadanga ma de doo mee i gilaadeu.

Psalm 74:9

Gu deai hagailonga hagalele mouli amaadeu e gidee; gu deai hogi pelaabisi e doe, gai gu deai se gimaadeu e iloo be dee hee maa taulooloa de hai de mee nei.

Psalm 19:11

Muna nei e hagakana ange lodo o doo dangada hai hegau; gai e laumalie donu de hagaoanga o tangada e daohia muna nei.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

2 Chronicles 28:19

Gai Tagi Maolunga ne hai gi dee sula Judah, i hiidinga Ahaz de hodooligi o Judah, ia ne hai gi kona de baubau o dangada i Judah, ia tee hai hegau ange gi Tagi Maolunga i de muna abodonu.

Psalm 106:3

E manuuia gilaadeu e hai hegau i de hagamodu muna heohi, ma de hai hegau i de heohi i masavaa alodahi.

Proverbs 8:32

Deenei ai, agu dama, goodou hagalaangona agu muna; e manuuia gilaadeu e daudali i ogu haiava.

Proverbs 29:19

Denga muna e dee maua i de hagaheohi tangada hai hegau, go hiidinga e dee galemu naa donu dono donu ange, aagai ia e dee anga ange naa donu aagena.

Psalm 119:1

E manuuia gilaadeu e dee haisala, i delaadeu daudali i hainga a Tagi Maolunga.