Proverbs 29:14 - De Beebaa Dabu

¹⁴ Noo de hodooligi e hagamodu muna o de gau hagaau aloha i de heohi, gai dono nohoanga hodooligi e hagaduu naa ga makaga.

Proverbs 29:14 Referans Kwoze

Proverbs 16:12

Denga hodooligi e kino i de hai a dangada denga hegau baubau, go hiidinga de nohoanga hodooligi e hagaduu ga makaga i de heohi.

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Proverbs 29:4

Go de mee heohi a dahi hodooligi e maua ai i de hai gi nnoho paba de henua, aagai de hodooligi e nnoo ange gi denga ngadi gaavange hagasenga e oha de henua.

Proverbs 20:28

De abodonu ma de hai hegau i de mee abodonu e buibui de hodooligi, gai dono nohoanga hodooligi e duu ga makaga i dono hai hegau i de mee heohi.

Proverbs 28:16

Tagi e dee donu laa e vaivai hai dangada; aagai tangada e kino laa i goloa gaiaa e daulooloa naa dono mouli.

Proverbs 25:5

aaua gee de gau baubau mai i daho de hodooligi, gai dono nohoanga hodooligi e hagaduu naa ga makaga i de mee heohi.

Psalm 89:2

I hiidinga doo abodonu e dagodo naa donu huu ga hano ai, gai koe gu hagaduu gi makaga doo hai hegau i de muna abodonu i de langi.

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Jeremiah 22:16

Ia ne bale ange de gau hagaau aloha ma de duasala, deelaa ai, ia ne duadonu. Gai e dee deelaa de hagadoonunga o de iloo e tangada ogu dagodo? go Tagi Maolunga e hagadaba.

Jeremiah 5:28

gai gu pedi ma de malali olaadeu gili. E deai donu se tuu mai o alaadeu hegau baubau; gilaadeu e dee hagamodu muna o denga gauligi gu deai olaadeu damana i de heohi gai gilaadeu e dee tala hagadonu heohi o de gau hagaau aloha.

Isaiah 1:17

gai agoagona de hai tanuaa! Hagaduu ngae saalaa de hagamodu heohi, balea ange gilaadeu e duasala. Balea ange denga gauligi gu deai olaadeu damana, buibuia denga haahine gu maakau olaadeu bodu.