Proverbs 29:13 - De Beebaa Dabu

¹³ Tangada hagaau aloha ma tangada e vaivai haia dangada e dagodo daudahi donu huu i de mee nei: go Tagi Maolunga e haia olaau ganomada e tilo ai.

Proverbs 29:13 Referans Kwoze

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

Proverbs 22:2

Tangada lava ma tangada hagaau aloha se dagodo daudahi i de mee nei: go Tagi Maolunga ne haia gilaau ngaadahi.

Psalm 13:3

Tagi Maolunga dogu Maadua, anga mai ma gi basa mai gi de au. Hagamaalama ina luoogu mada, gi dee magau ai au,

Ephesians 2:1

Gai goodou ne maakau i hiidinga o denga hegau dee heohi ma denga haisala,

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

Matthew 9:9

Gai ga hano gee huu Iesu i kilaa, gai ia gu gidee dahi daane e noho i de mommee hagabudu taagisese, dono ingoo go Matthew. Gai Iesu ga hai ange gi de ia, “Daudali mai i de au.” Gai Matthew ga hidi age ga daudali ange i de ia.

Ezra 9:8

Aagai iainei Tagi Maolunga demaadeu Maadua ne abodonu mai gi gimaadeu, i dahi damaa masavaa, ia ne hai gi hanu gimaadeu e doe, ma de gaamai gi gimaadeu dahi duulanga i dono mommee dabu. Demaadeu Maadua ne hai gi ilaage gimaadeu ma de ola mai i omaadeu hagaduasala.